西關老祖 (文苑樓)

Open Now

Now Closed

渡船街一帶嘅大廈有返咁上下歷史，但竟然有間文青裝修風格嘅小店「西關老祖」，感覺幾得意喎。佢成個格調同呢區好唔同，別樹一格😆。佢賣嘅食物同樣有特色，例如有招牌瀨粉、鹹肉粽同蘿蔔糕等，大部份係中式懷舊小食🥢，唔係四周圍都有得食。雖然食物唔大份，但定價大眾化，你當佢係蕯莉亞嘅價錢吧。極黑·黯然銷魂飯($56)，佢係非一般嘅叉燒飯，好出色。🐷餐廳選用豬腩肉以醃製成黑叉燒，無論肉質定味道都同燒味叉燒不一樣。黑叉燒帶微微甜香，並非濃烈嘅蜜汁燒烤醬味，肉質亦好軟稔。白飯撈咗豉油醬汁變得好食，另外再配埋煎雙蛋🍳，份量足，男仔都夠食。炸·黑毛豬肉粽($45)，炸粽賣相吸引，因為炸至金黃色💛，望落有啲似薯餅。炸粽外層微脆，亦難得唔油膩。糯米無過黏或過硬，所以易入口，亦唔會太滯。🥠粽中間主要得豬肉餡，保留傳統風味。爆炒·XO醬蘿蔔糕($38)，炒蘿蔔糕好香口🥕，XO醬辣辣哋幾正🌶。每粒蘿蔔糕均附有瑤柱、臘腸同蝦米等，相當足料。另外，餐廳更有發售原底自家製蘿蔔糕，過時過節可以買返底同屋企人分享。老祖·臭草綠豆沙($28)，經典糖水改頭換面，用飲品杯裝，再加上凍食，成個感覺煥然一新✨。我阿媽一聞就聞到臭草香，佢