太平飯店 (Closed)

今日去將軍澳線做野，搭多幾個站直接去港島東搵好野食。之前聽朋友講過呢間中式嘢食都唔錯，尤其是燒鵝好好食，就等我黎食個快餐試下啦！我地兩個人嗌左一個燒鵝炒飯，同埋一個叉燒煎蛋飯。燒鵝返比想像中更加好味道。首先佢鑊氣好夠，啲飯炒到粒粒分明，有蛋白絲，亦都有蛋香，但又唔會太鹹，或者太油。燒鵝切得比較細粒，份量唔算話好多，不過鵝味好濃。相信如果係嗌例牌燒鵝，會更滿足。叉燒煎蛋飯都OK，蛋係太陽蛋，有少少流心效果。叉燒味道正常，唔會話特別好食或者難食，正常野。飯量好多，豉油甜味重，同叉燒&蛋都好夾。食中式餐廳最緊要係杯奶茶 XD！覺得呢間奶茶的茶味都濃，奶味出，算是合格以上的分數。下次可以試下食小菜，相信都應該幾唔錯。