kikusan (Closed)

近排行希慎廣場，留意到商場食肆有大執位，新面孔紛紛湧現，滙聚中日fusion菜，便是其中嘅表表姐！周六放工後，去嘆個靚lunch先~餐廳偌大，格局簡約現代，客人唔多，walk in即時可以入坐。1.菠菜皮蝦餃$42: 皮薄，蝦隻又大又爽口！2.千層豬扒擔擔麵$72: 我倆怕太辣，所以走辣，但花生醬明顯較少，湯底唔香亦唔夠濃郁入味！千層豬扒較薄身，唔夠香脆囉！3.蝦肉春卷$42: 熱辣辣，外皮非常脆卜卜，入面放有各種唔同嘅素菜絲，但就感覺唔到有蝦肉！4.Kikusan卷$68: 招牌卷物，外型靚絕全場！由海膽、三文魚籽、免治拖羅、蔥、青瓜卷組合而成。海膽入口即溶，味道已經十分鮮美！再配上粒粒晶瑩通透嘅三文魚籽，鹹鮮味異常突出！加埋鬆軟嘅免治拖羅，香蔥等，口感即時提升！呢道菜做得十分出色，非點不可！5.蝦肉燒賣$38: 燒賣夠大隻，味道比較普通。6.花生黑芝麻驢打滾$38: 軟糯香甜，好好味！整體質素唔錯！