Video
Read full review
2023-07-20
1492 views
真係好伏，諗住生日食飯，朋友話社交平台見到呢間好似好正，咁就上openrice睇下啲食評同相啦～望落個個都係好評，而且影啲嘢食都幾好，咁咪book嚟試下～睇到餐牌價錢唔平，飛驒牛要成$8xx一份，朋友話生日食飯最緊要開心，唔好理價錢，但我覺得穩陣啲都係試咗普通嘢食先啦…我最鐘意飲啤酒叫個雞軟骨，點知個雞軟骨好似好多油咁，正確嚟講應該係唔夠油溫炸嗰種“立”油，呢個形容詞我都係問人，因為睇個樣似翻炸，不過冇理由會炸定係度㗎，成個場得3-4枱客人，又唔係爆場😅之後我哋就order啲肉嚟燒啦～海鮮諗住叫現成唔使辛苦自己🤣見到餐牌有兩款燒大蝦，一個係$128/隻,另一個係$158／隻，諗住賣到咁貴應該有返咁上下大細呱～點知上第一隻黃金嗰個$128／隻時，睇到我朋友想講粗口，個size係中蝦size係度扮大蝦，我都話算啦算啦～可能今日啲海鮮嚟貨唔大呢…朋友話唔大就唔好賣呢個價錢啦！好搵笨囉！過份！跟住到$158嗰隻蝦嚟到時，我朋友即時話呢隻先叫大蝦㗎嗎～不過望到個蝦頭已經黑黑哋，跟住拆開見到入面未熟晒，諗住叫佢哋拎返去再整過，之後見到啲肉係“梅”嘅，朋友話直接取消算😮💨真係冇下次😰
睇到餐牌價錢唔平，飛驒牛要成$8xx一份，朋友話生日食飯最緊要開心，唔好理價錢，但我覺得穩陣啲都係試咗普通嘢食先啦…我最鐘意飲啤酒叫個雞軟骨，點知個雞軟骨好似好多油咁，正確嚟講應該係唔夠油溫炸嗰種“立”油，呢個形容詞我都係問人，因為睇個樣似翻炸，不過冇理由會炸定係度㗎，成個場得3-4枱客人，又唔係爆場😅之後我哋就order啲肉嚟燒啦～海鮮諗住叫現成唔使辛苦自己🤣見到餐牌有兩款燒大蝦，一個係$128/隻,另一個係$158／隻，諗住賣到咁貴應該有返咁上下大細呱～點知上第一隻黃金嗰個$128／隻時，睇到我朋友想講粗口，個size係中蝦size係度扮大蝦，我都話算啦算啦～可能今日啲海鮮嚟貨唔大呢…朋友話唔大就唔好賣呢個價錢啦！好搵笨囉！過份！跟住到$158嗰隻蝦嚟到時，我朋友即時話呢隻先叫大蝦㗎嗎～不過望到個蝦頭已經黑黑哋，跟住拆開見到入面未熟晒，諗住叫佢哋拎返去再整過，之後見到啲肉係“梅”嘅，朋友話直接取消算😮💨真係冇下次😰
Post