Video
Read full review
2023-04-29
1557 views
事隔兩年再訪灣仔星街法國菜Maison ES，季節限定嘅中法fusion菜相當有驚喜！完美糅合中法特色，從温和法式料理跟濃烈香料中取得平衡，特別欣賞軟彈星斑配厚滑薯蓉+臘腸！夜晚設五道菜$1280/八道菜$1880嘅set menu，包含唔少中法fusion菜式，不過我鍾意嘅星斑都係要單嗌餐廳門面尤如唯美花店，步入餐廳卻別有洞天，裝潢雅致配以復古傢具，燈光柔和，氣氛較為casual，唔會太拘謹~ 更設有半露天座位。自家製麵包超好食！外皮厚身香脆，軟熟富彈性，夠晒熱辣辣，咀嚼間鹹香味慢慢滲岀。蘸軟滑嘅XO醬牛油，澱粉控表示幸福感滿滿，同上次一樣咁好食▪️Sweet Garlic Razor Clams $298以中式蒜蓉粉絲蒸海鮮為靈感嘅前菜，賣相相當精緻！當鮮甜軟彈嘅蟶子 遇上魚子醬同三文魚籽，鮮味尤其突岀。加上豉油泡沫、蔥油、蒜香，又帶幾分家常嘅熟悉感。▪️Crispy Langoustine Wonton $288集蟹粉小籠包及炸雲吞於一身嘅菜式！雲吞用上西式酥皮，外層酥脆唔油膩，包滿軟彈蝦肉。軟綿沾醬混入左大閘蟹膏，蘸埋啫喱狀嘅鎮江醋，真係有幾分食緊蟹粉小籠包嘅感覺~▪️Crispy
餐廳門面尤如唯美花店，步入餐廳卻別有洞天，裝潢雅致配以復古傢具，燈光柔和，氣氛較為casual，唔會太拘謹~ 更設有半露天座位。
自家製麵包超好食！外皮厚身香脆，軟熟富彈性，夠晒熱辣辣，咀嚼間鹹香味慢慢滲岀。蘸軟滑嘅XO醬牛油，澱粉控表示幸福感滿滿，同上次一樣咁好食
▪️Sweet Garlic Razor Clams $298
以中式蒜蓉粉絲蒸海鮮為靈感嘅前菜，賣相相當精緻！當鮮甜軟彈嘅蟶子 遇上魚子醬同三文魚籽，鮮味尤其突岀。加上豉油泡沫、蔥油、蒜香，又帶幾分家常嘅熟悉感。
▪️Crispy Langoustine Wonton $288
集蟹粉小籠包及炸雲吞於一身嘅菜式！雲吞用上西式酥皮，外層酥脆唔油膩，包滿軟彈蝦肉。軟綿沾醬混入左大閘蟹膏，蘸埋啫喱狀嘅鎮江醋，真係有幾分食緊蟹粉小籠包嘅感覺~
▪️Crispy Grouper $460
全晚最鍾意嘅一道！配搭夠晒新鮮！厚肉嘅星斑浮遊於薯仔慕絲之中，底部埋藏左臘腸同煙燻八爪魚，仲有塊經烘烤嘅魚皮。星斑滑嫩富彈性，慕絲厚滑，魚皮香脆，口感極之豐富。配上臘肉，風味更為獨特，比想像中搭得多。唯一要挑剔嘅係薯仔慕絲忌廉味較重，較易膩，建議開心share
▪️Chu Hou Beef Filo Pastry & Steak $520
牛扒配gravy就食得多，配中式柱侯汁都係第一次，入口毫無違和感。A3和牛西冷口感軟彈，富肉汁肉味。柱侯牛肉酥以西式嘅酥皮包住軟腍入味嘅牛肉，雖然肉味就無旁邊嘅和牛咁岀，但重口味人士又幾鍾意~ 略嫌酥皮香脆但欠缺層次。
▪️Cherry Chocolate Pebble
香濃朱古力mousse包住軟滑嘅栗子蓉，有普洱蛋糕同雪糕作點綴，可惜茶味偏淡。不過酒鬼家姐就幾鍾意超濃酒味嘅cherry~
Post
