Don X Sushi Generation (Closed)

呢間位於中環嘅日式料理, 以淺色木紋同黑色作為餐廳主調, 有別於傳統壽司店, 呢度嘅裝修十分時尚。踏入門口, 視線馬上被呢道充滿動感嘅銀色魚群藝術牆吸引。餐廳地下以吧檯為主, 經過旋轉樓梯, 樓上則主要是2-4人檯, 雖然樓底唔算高, 但加上燈光效果, 坐落又毫無壓迫感喎。今晚一行二人, 叫左兩個set share 食。刺身x壽司定食 $200自選壽司18件 $360 餐廳每日有20幾款壽司/刺身任你揀, 18件自選壽司套餐, 件件唔同都得㗎！我地就揀左9款, 每款兩件。其中牡丹蝦、象拔同中拖羅都係必點之選！ 牡丹蝦肉質豐厚, 口感嫩滑細緻。象拔蚌咬落爽甜有致, 鮮味非常突出。中拖羅肉質極為柔軟, 加上油份充沛, 有入口即溶嘅效果。其他壽司、刺身都屬高質。海膽顆粒飽滿, 水分充足, 入口順滑香濃。幾款白身魚, 魚肉潤澤透光, 十分鮮甜。套餐更附送沙律、前菜、甜品 & 味噌湯, 夠晒豐富。