Munchies (新中環大廈) (Moved) New Location

成日食開日本過江龍嘅餐廳，今次就轉下口味食下近排美國好火紅嘅炸雞漢堡。叫左combo B，有漢堡包，薯格同杯野飲，一個女仔食岩岩好，而且價錢先98，以中環地段黎講都幾平民價，所以都幾多人黎食。Chicken Sando Truffle mayo 松露蛋黃醬成間舖淨係賣炸雞漢堡，第一次叫梗係叫個classic嘅蛋黃醬。佢加左黑松露調味令成個醬更豐富更濃厚。個炸雞仲大個包凸晒出黎，炸皮好薄好脆鎖住晒d肉汁，咬落好juicy。Waffle fries 香脆薯格薯格份量都唔小，炸得外脆內軟，調味粉落得唔過份，唔會死咸死咸。Southern chicken wings南城雞翼因為麻辣雞翼賣晒，所以叫左個southern都唔差嫁。咸香咸香甘，食落唔辣外脆內嫩食得好過癮。Dragon oolong 火龍果迷迭香食完甘多炸物，係時候黎杯低卡路里健康嘅嘢飲減輕罪惡感。一飲落去好濃嘅迷迭香味同烏龍菜香，再嗒真d就飲到少少花香味，真係好神奇！成杯野冇落糖，靠本身水果嘅清甜，所以好清爽。