Pho Bar (Closed)

麵嘅配料係可以自由配搭，好似車仔麵咁自己揀。分別有：金不換、洋蔥、芫茜、香蔥、炸蒜及芽菜。一上枱，我先飲左啖湯底…真心要讚一讚個湯底﹗湯底係簡單但又好特別嘅牛肉湯😍唔好諗住簡單就等於普通，往往越簡單先越難做得好。一飲就知湯汁唔係味精湯，濃濃嘅牛肉味，應該係用左好多心機同時間先煲到，加上咁清澈嘅顏色，應該係好仔細咁濾過先拎黎做湯底👍🏻看似簡簡單單，原來內藏大大嘅心機呢﹗難怪差所有都係用呢個牛肉湯湯底😆至尊湯河：當中有牛栢葉、牛丸、牛柳片、牛腩、牛展、牛肺、扎肉，河粉同餸菜量都勁多，唔好話對女仔黎講有幾飽，就算男仔食晒都好鬼飽，份量差唔多等於平時粉麵舖嘅2碗份量🤪生熟美國頂級牛肉配意大利脆玉瓜麵：睇到牛肉嘅色澤已經同一般肥牛肉唔同級數﹗牛肉配埋牛肉湯，呢個配搭本身已經無得挑剔，呢次嘅牛仲要係好香牛肉味，食片牛肉再飲一啖湯，無得頂呀﹗👍🏻👍🏻而意大利脆玉瓜麵對我黎講真係好特別，完完全全由脆玉瓜整成，一點啲澱粉質都無，不知不覺食左好多蔬菜😆好味、有口感又健康。我覺得值得推介比減肥嘅人，啱晒而家熱話嘅低醣飲食🤗🤗秘製雞翼﹕雞翼炸得香脆，而餐廳秘製嘅醬汁酸酸甜甜甜，掛係脆卜卜嘅雞皮上邊，正呀﹗青檸