Video
Read full review
2023-03-18
870 views
今日係小編同b🐷既特別紀念日👩❤️👨所以小編特登係book左位於中環既Monteverdi Restaurant and Bar同b🐷食左浪漫dinner🥰 小編無諗到竟然會收到咁好客既款待😱 由於小編慣左口多多聊下店員傾計，點知今次一聊，店員完全唔覺得我阻住佢做野，仲講埋餐廳既經歷俾我地聽😍 我都忍唔住要同大家分享! 話說Monteverdi Restaurant and Bar係一間由外國人父子檔一同經營既西餐廳，呀爸係大廚，呀仔係控制樓面。原本中環店係第二間分店，主店係西營盤，可惜大廈業主要賣左西營盤店座大廈，兩父子唯有集中經營中環店😭 佢仲講佢地好注重材料既質素，所以店鋪食材除左海鮮全部都係外國進口(英文地方名多到小編記唔曬了)，但小編最記得既係餐廳裡的酒全都是意大利進口，因為呀仔仲特登拎左枝酒出嚟，話餐廳名既構思係源先呢枝酒名。聽到小編覺得呢間餐廳好有人情味，好溫暖🥺。講返正題，我哋每人嗌咗個dinner set，有餐包、餐湯、主菜同埋甜品。麵包配黑醋橄欖油(4/5）食嗰幾間意大利餐廳都會有呢啲麵包配黑醋橄欖油，首先依間舖頭嘅麵包擺喺一個紙袋入邊，切到一口嘅size，鬆鬆軟
麵包配黑醋橄欖油(4/5）
食嗰幾間意大利餐廳都會有呢啲麵包配黑醋橄欖油，首先依間舖頭嘅麵包擺喺一個紙袋入邊，切到一口嘅size，鬆鬆軟軟🍞，唔會過硬，嗰個調味樽好特別，兩邊可以倒啲黑醋橄欖油出嚟。
7 views
0 likes
0 comments
海鮮湯🥣 (4.5/5)
唔係一般嘅羅宋湯，呢個海鮮湯用咗海鮮熬製，有鱸魚、蝦頭、貝殼類仲有啲蔬菜，所呈現嘅魚油喺個湯上邊，鮮紅色嘅湯底代表咗佢好足料，味道濃郁，鱸魚嘅鮮味落晒碗湯入邊🥰🥰。
4 views
0 likes
0 comments
Fettuccine Seafood $368 (4.5/5)
呢碟海鮮意大利寬麵條，剩個手工寬麵條已經加爆分，麵既口感軟硬度真係無得輸，同買返嚟淥返淋佢既質地真係南轅北轍🤩仲有少許軟彈既感覺添🫣仲要非常掛汁的說!!每啖都食到滿滿的蕃茄肉醬汁😍而且呢個蕃茄肉醬係真係即場用新鮮蕃茄同豬肉製成，同平價飯既蕃茄肉醬真係差幾個level🫠海鮮就分別有青口、蝦同魷魚，好豐富☺️。
Fettuccine Seafood
11 views
0 likes
0 comments
Roasted Chicken $408 （4.3/5)
半隻嘅烤雞🐓仲有一啲薯菜，烤雞經過多重嘅事前準備功夫，醃製嘅香料，所花費嘅時間同埋功夫都為呢碟 Roasted Chicken增加咗味道嘅豐富，嫩口嘅雞肉，肉汁鮮甜，香料味提升層次感，唔會食到太羶既味👍🏻👍🏻🥰。
Roasted Chicken
6 views
0 likes
0 comments
Orange Cream Custard (4.8/5)
隨餐附上的甜品實左離哂大譜!! 咁好味竟然俾得細細碗我食😭食完濃味既主菜，嚟一口咁fresh口味的甜品真係好貼心的安排🥹唔好以為成碗吉士會好流，小編只會用fresh一字形容佢，橙味同吉士既比例真心完美。
3 views
0 likes
0 comments
地點:
位於中環The Loop大廈入面既樓上舖頭，中環站向蘭桂坊個邊行都會經過。
環境:
燈光比較昏暗，帶來浪漫舒適既格調，唔會太急速既節奏，令小編食飯都食得好愉快😍🥰。
價錢:
價錢400蚊一個套餐有齊西餐所有野，環境又幾舒服，中環地段，我覺得不錯☺️☺️。
服務:
細心既店員會詢問我哋既意見，了解我哋既諗法，仲會為我哋解釋😍😍，背景又有意大利音樂既氛圍。
Post
