珺

Open Now

Now Closed

大家年初一想出街食素菜午飯，就諗起依啲時間出中環可能仲冇咁多人，所以就嚟依度食，仲要本身地點響蘭桂坊隔離，由地鐵站行上嚟都唔係遠。同埋本身裏便好多窗光猛開陽，裝修亦都唔錯，所以響呢度食午餐感覺都特別精神爽利。但係掛住食真係唔記得叫咗啲乜嘢菜，淨係記得呢度個數叉燒做得又靚又好味，從來都唔會失望。佢個栗子煲就係穩陣之選，唔會點樣失手，味道亦都唔錯。素咕嚕肉又係另外一個一定會叫嘅餸，都係因為佢整得又脆又好味。豆腐又係另一個穩陣之選。佢個炒飯味道都好香，飯粒都好有咬感，唯一係個份量希望可以多少少。剩返呢個唔記得咗係乜嘢餸，淨係記得都係好味嘅。