Feast Oyster Bar and Restaurant (Closed)

呢日去咗中環呢間西餐廳食lunch，餐廳既環境好好，食物選擇都幾多。今日唔係咁肚餓，所以我哋就叫咗單點嘅食物，一人叫咗一個主食。今次點做溫泉蛋卡邦尼寛條麵，佢配上巴馬火腿乾，鹹鹹香香，好惹味，將溫泉蛋吉穿再撈埋寛條麵一齊食，好creamy。另外，仲點咗香草檸檬燒美國走地野雞仔，有兩大隻雞髀，外層烤到好香，入面既肉好嫩滑，正。雞肉點埋啲醬汁一齊食，好味道。配菜方面，有軟滑嘅薯蓉同埋蕃茄仔，夠晒健康。