Video
Read full review
2024-06-13
4126 views
喺中環發現咗間隱世法國菜，佢所在嘅大廈門面一啲都唔起眼，估唔到樓上竟然有間高質法國菜，重點係價位合理。餐廳以小店形式經營，反而更加有親切感。法式焗蝸牛 $108見每枱都有叫佢哋嘅法式焗蝸牛，我哋當然都唔執輸。餐廳非常貼心會提供埋食焗蝸牛專用嘅餐具，好容易就拎到粒肉出嚟。焗蝸牛一上枱就要趁熱食，蝸牛肉非常之軟腍，而且勁香蒜蓉牛油味，感覺就好似食緊蒜蓉牛油麵包咁。龍蝦湯 $92@龍蝦湯非常香濃，飲得出用咗好蝦頭蝦殼去熬製，每一啖都係濃郁嘅龍蝦鮮味，仲可以用嚟點蒜蓉多士食。日本鮮帶子檸檬汁初榨橄欖油意粉 $198主菜我哋就叫咗帶子意粉，用嘅係大大粒嘅日本鮮帶子，口感水嫩鮮甜。意粉煮得啱啱好，夠彈牙，檸檬汁底帶少少酸，非常清新開胃。法式地道鴨腿配鴨油煎薯仔 $228另外仲叫咗法式鴨腿，鴨腿外皮煎到金黃香脆，但鴨肉仲係好嫩。而伴碟嘅薯仔，因為用鴨油煎香過，外面焦脆內裡軟熟，超好食。麵包布甸配雪糕 $88食飽當然唔少得甜品，店員介紹今日嘅是日甜品係麵包布甸，聽落好似唔錯，果然冇令我哋失望，熱辣辣軟綿綿嘅麵包布甸，配上冰凍朱古力雪糕，入口有冰火交融嘅口感。。。Cuisine Culture (中環)
法式焗蝸牛 $108
見每枱都有叫佢哋嘅法式焗蝸牛，我哋當然都唔執輸。餐廳非常貼心會提供埋食焗蝸牛專用嘅餐具，好容易就拎到粒肉出嚟。焗蝸牛一上枱就要趁熱食，蝸牛肉非常之軟腍，而且勁香蒜蓉牛油味，感覺就好似食緊蒜蓉牛油麵包咁。
龍蝦湯 $92@
龍蝦湯非常香濃，飲得出用咗好蝦頭蝦殼去熬製，每一啖都係濃郁嘅龍蝦鮮味，仲可以用嚟點蒜蓉多士食。
日本鮮帶子檸檬汁初榨橄欖油意粉 $198
主菜我哋就叫咗帶子意粉，用嘅係大大粒嘅日本鮮帶子，口感水嫩鮮甜。意粉煮得啱啱好，夠彈牙，檸檬汁底帶少少酸，非常清新開胃。
法式地道鴨腿配鴨油煎薯仔 $228
另外仲叫咗法式鴨腿，鴨腿外皮煎到金黃香脆，但鴨肉仲係好嫩。而伴碟嘅薯仔，因為用鴨油煎香過，外面焦脆內裡軟熟，超好食。
麵包布甸配雪糕 $88
食飽當然唔少得甜品，店員介紹今日嘅是日甜品係麵包布甸，聽落好似唔錯，果然冇令我哋失望，熱辣辣軟綿綿嘅麵包布甸，配上冰凍朱古力雪糕，入口有冰火交融嘅口感。
。
。
Cuisine Culture (中環)
中環蘭桂坊德己立街12號業豐大廈2樓203號舖
。
。
Post
