Video
Read full review
2024-09-02
258 views
星期日Bu帶我去食好西✌🏻同我講話一定有驚喜，帶咗我去中環永吉街嘅「Daap」，餐廳裝修風格簡潔中間位置為Open Kitchen，可以見到廚師即席烹調食物，由擺盤、上碟再用上火槍燒，視覺與味覺雙重享受👍🏻花膠配泰式乳酪紅油醬第一道菜已經非常吸引😋擺盤非常精緻，貝殼上放上兩片南非花膠，廚師會喺上枱時淋上泰式乳酪紅油醬，入口微辣creamy帶奶香，中式嘅花膠配上泰式嘅味道，估唔到咁有驚喜👍🏻烤栗子湯配羊肚菌順滑濃厚嘅烤栗子湯，入口有淡淡嘅煙燻香味，口感幼滑香濃，再配上鮮甜爽嫩嘅羊肚菌，增添一份鮮菌獨特嘅香氣，用香脆嘅Sourdough 點上濃湯，別有一番滋味，令人更期待下一道菜式🤩臘腸卡邦尼手工意粉廚師先用火槍令整碟意粉增添一份焦香味，以臘腸嘅鹹香代替平時卡邦尼嘅煙肉，食嘅時候先醬溫泉蛋撈入意粉，蛋汁加上忌廉汁同芝士，味道濃郁，令每條意粉都裹滿醬汁，餐廳用上自家製嘅手工意粉，口感更加煙靭彈牙有嚼勁，再一次令人驚喜嘅意粉阿根廷紅蝦意粉我地再嗌咗另一款餐廳招牌嘅意粉，以鮮甜爽口嘅阿根廷紅蝦，加上中式嘅蝦膏醬去製成嘅fusion菜式，蝦膏鮮味鹹香濃郁仲帶有蕃茄仔嘅酸甜味，令味道層次更加提升自家
花膠配泰式乳酪紅油醬第一道菜已經非常吸引😋擺盤非常精緻，貝殼上放上兩片南非花膠，廚師會喺上枱時淋上泰式乳酪紅油醬，入口微辣creamy帶奶香，中式嘅花膠配上泰式嘅味道，估唔到咁有驚喜👍🏻
烤栗子湯配羊肚菌
順滑濃厚嘅烤栗子湯，入口有淡淡嘅煙燻香味，口感幼滑香濃，再配上鮮甜爽嫩嘅羊肚菌，增添一份鮮菌獨特嘅香氣，用香脆嘅Sourdough 點上濃湯，別有一番滋味，令人更期待下一道菜式🤩
臘腸卡邦尼手工意粉
廚師先用火槍令整碟意粉增添一份焦香味，以臘腸嘅鹹香代替平時卡邦尼嘅煙肉，食嘅時候先醬溫泉蛋撈入意粉，蛋汁加上忌廉汁同芝士，味道濃郁，令每條意粉都裹滿醬汁，餐廳用上自家製嘅手工意粉，口感更加煙靭彈牙有嚼勁，再一次令人驚喜嘅意粉
阿根廷紅蝦意粉
我地再嗌咗另一款餐廳招牌嘅意粉，以鮮甜爽口嘅阿根廷紅蝦，加上中式嘅蝦膏醬去製成嘅fusion菜式，蝦膏鮮味鹹香濃郁仲帶有蕃茄仔嘅酸甜味，令味道層次更加提升
自家製酸種菠蘿包配港式奶茶雪糕
甜品一樣咁出色👍🏻用啱啱焗起酥脆嘅菠蘿包夾住港式奶茶雪糕，以港式嘅味道融合於甜品之中，今餐飯超級滿足😋
📍Daap (中環)
中環永吉街20號地舖
人均消費：$500
食物：⭐️⭐️⭐️⭐️⭐️
環境：⭐️⭐️⭐️⭐️⭐️
服務：⭐️⭐️⭐️⭐️⭐️
回頭率：⭐️⭐️⭐️⭐️⭐️
Post
