新康記粥店

Open Now

Now Closed

又到中秋節，一年一度既傳統節目大坑舞火龍又開始了，作為舊街坊既我一定要去趁熱鬧。趁節目未開始，當然要先去逛逛，醫吓肚先。这几年大坑從一個寧靜小區，搖身一變成為一個集中西美食既熱鬧旺區，更被報紙杂雜誌形容為美食天堂。來到京街已經結業既康記附近，見到其老店主夫婦，原來康記已在舊址隔離舖位重開，而倆老亦已退休，只在門口打點，順便見下熟客聚下舊。咁耐冇食，當然要試下啦！新舖比舊舖略大，裝修簡單，裝有冷氣，大熱天時食粥一定比之前舒服。艇仔粥(18元)粥底綿稠、用料豐富，保持水準。牛肉腸(17元)有驚喜！腸粉滑溜，厚薄適中、包裹住滿滿既嫩滑牛肉，感覺有進步，更好味！油條(8元)食有味既粥品當然唔少得油條了！將油條浸入粥裡，吸收到粥料既精華，比起香脆既口感，係另一種更好既味覺享受！除左油條仲有牛脷酥、油煎餅都好好食，外間少有既好味道，下次再食。而朋友食皮蛋瘦肉粥亦相當唔錯。