高高酒家 (Closed)

經常都聽到男朋友介紹依間餐廳嘅食物, 今日終於可以有個好嘅理由, 約埋班同事去試吓, 慶祝中秋節之餘, 聯絡吓大家嘅感情。由於之前已聽過有咩食物好食, 所以都預先留咗三款食物, 其他食物就到店先點。我哋一行九人, 大約23:00先到達店舖, 店內依然熱鬧, 由於係節日嘅關係, 好多食材都已經售罄喇, 好彩我哋都仲有好嘢食, 全靠店員嘅幫助咋, 原本招牌鹹香雞已經售罄, 但店員為咗令我哋唔好失望, 主動到其他分店幫忙攞雞返嚟。佢哋真係好好啊。店內嘅員工每位都有禮貌, 而且風趣幽默, 令我哋有個愉快嘅宵夜時間。