好燒式串燒專門店 (砵蘭街)

Open Now

Now Closed

個個都去大陸食燒烤嘅時候，我就唔想哂咁多時間，直接去位於旺角砵蘭街嘅呢間串燒專門店。呢度都幾多特色菜品，除左鮮活海鮮，基本上你想得出嘅燒烤名物佢都有，意想不到嘅美食亦有好多。1。香煎鵝肝配紅酒汁 2件 $138令我雀躍嘅就係佢，我更估唔到嘅就係咁巨型！就咁睇價錢。令我驚喜嘅係鵝香濃郁，外皮香脆，油香勁到滿瀉！2。蒜蓉燒蠔 $36／隻Size夠大，燒到剛剛熟哂，多汁水，鮮味，蒜泥夠香3。鹽燒白鱔, 多春魚及牛柳串白鱔好新鮮，皮燒到脆卜卜，魚油喺燒嘅過程都漏走左啲，食落冇咁肥膩，推介！多春魚及牛柳串都可以。4。蒜蓉原條燒茄子 $40呢個必吃，色香味質感俱全，乾淨衞生，不會太熱氣，1人食1條都無問題！5。鮑魚汁海鮮荷葉飯 $108呢個壓軸推薦，強推，唔好睇佢望落清清地，足料度100分，勁多鮮甜海鮮，炒到剛剛好又帶荷香，食極唔停，咁大個飯，但2個人定食得哂，因為好出色好好味呀。其實食到咁豐富，都係幾百蚊嘅事，香港還是有很多出色小店的，好值得我地繼續支持。