Video
Read full review
2013-12-11
453 views
上次同太太去西貢行，先係朝早飲完咖啡，係附近睇下野影下相，話咁快就到Lunch，但係西貢係一個幾怪既地方，海鮮之外都有多選擇，但要搵就真係出多d腳骨力，近翠塘都有好多特色野食，不過我地果陣係市中心，又唔想行入中間露天食野，於是就搵d可以坐下又食得夠飽既地方，見到蘇珊娜個外觀，好有以前扒房既味道，於是就黎個鋸扒午餐。入到去發覺都幾滿下，但係出面等左一兩分鐘，個待應就叫我地入去，剛好遇到有一檯四個人要走，坐低後睇下有乜野食，發覺牛之外仲有豬雞同龍利，最後兩公婆一個叫西冷，一個叫牛柳。入面裝潢就比較暗，主打係用木搭建既感覺，睇落就似舊美式扒房果種元素。等左5分鐘左右就上左個湯，羅素湯入面有菜有肉，飲落發覺唔覺有太多茄膏，算得上合格，不過都係要加多少胡椒粉吊吊味，加強入口個口感。而之後送上既多士就好熱好好味，第一口真係比佢果種熱力嚇親，比起出面坊間求其畀個凍餐包比你食，呢個多士真係有少少驚喜。之後就係個戲肉首先...咁多菜既...然後一切...都幾生下...我叫六成咋喎...點解變左rare-med架？算啦...食左落口，真係稍為快左少少上碟...比盡得五成熟，好在平時都食到呢個程度。今次呢塊
入到去發覺都幾滿下，但係出面等左一兩分鐘，個待應就叫我地入去，剛好遇到有一檯四個人要走，坐低後睇下有乜野食，發覺牛之外仲有豬雞同龍利，最後兩公婆一個叫西冷，一個叫牛柳。
入面裝潢就比較暗，主打係用木搭建既感覺，睇落就似舊美式扒房果種元素。
等左5分鐘左右就上左個湯，羅素湯入面有菜有肉，飲落發覺唔覺有太多茄膏，算得上合格，不過都係要加多少胡椒粉吊吊味，加強入口個口感。
而之後送上既多士就好熱好好味，第一口真係比佢果種熱力嚇親，比起出面坊間求其畀個凍餐包比你食，呢個多士真係有少少驚喜。
之後就係個戲肉
首先...咁多菜既...然後一切...都幾生下...我叫六成咋喎...點解變左rare-med架？算啦...食左落口，真係稍為快左少少上碟...比盡得五成熟，好在平時都食到呢個程度。今次呢塊牛柳都叫做ok，同埋d蒜蓉帶起左香味，混埋一齊食令到d肉加強左層次，但係要彈下d菜太多，食食下發覺d菜出水浸到去扒果邊，真係有d破壞左食牛扒既氣氛。
最後食完飲埋杯檸茶，休息多陣就埋單走人，呢一餐幾好，好在唔係真係味道特別好，而係至少坐係度，可以將自己同西貢隔番開，休息下享受下另一個環境，西貢就係太多人太嘈，如果次次食飯都係坐出街享受下陽光同人流，我估唔係個個都鍾意。反而覺得呢個餐廳正正比到遊客另一個體驗，比佢地係西貢戶外感覺之外，另一種寧靜。
何況以呢個價錢，換到呢個味道同環境已經係絕對合理，更加賺到可以安坐食一餐既地方係呢區真係唔多。
Post
