潮庭 (新城市廣場) (Closed)

一家人最鍾意圍住一齊食飯，今晚就揀咗呢間潮庭叫餸食飯，環境唔錯，安排咗去角落，可以靜靜地俾大家傾吓計，而且同隔籬枱都隔住屏風，安排得幾好。菜式叫咗四囍拼盆，蠔餅，炸子雞，滷水鵝片，小雲吞浸娃娃菜，梅花扣肉同埋杏汁豬肺湯。四囍拼盆比較吸引，可以自由選擇小菜款式，都係以海鮮類為主，例如帶子、桂花蚌、花枝卷同蟹肉卷，味道清淡，但都夠晒味，口感唔錯夠晒彈牙。蠔餅都夠晒特別，一上枱就見到有好多蠔仔，但佢嘅做法比較特別，唔同普通嘅潮州炸蠔餅，類似台灣蚵仔煎，餅底係應該係加左地瓜粉，有啲qq口感，但係味道都偏清淡。同埋佢個杏汁豬肺湯，真係飲到用杏仁榨汁嘅質感，成個湯奶白色又好香杏仁味，啲豬肺都洗得乾淨。最後用中銀卡消費，仲有$300現金券回贈，計埋都幾抵食。