囍越 (屯門市廣場) (Closed)

我例牌係越南菜餐廳8成時間會叫豬扒撈檬，感覺上豬扒份量會多啲，抵食啲。😂黎到時見到碗檬粉即刻眉飛色舞，因為有好多豬扒，而且仲肉好厚添。啲豬扒雖然厚，但佢好似豬頸肉咁爽滑，呢樣真係喜出望外。仲有撈檬魚露酸醋味道得宜，唔會過份酸，撈埋蘿蔔絲，蕃茄等蔬菜清新感十足。食野點都要叫番杯野飲，我見有石榴紅茶，平時好少紅石榴既野飲，所以都叫番杯飲，味道唔錯，好香石榴果香，紅茶味濃唔太甜，飲呢杯野記住搞勻底下果醬，唔係就會冇乜石榴味甜味。啲野食野飲雖然好味，但連埋加一都要90蚊，以下午茶時段黎講真係唔平，如果星期日都有啲下午茶set就好，咁就可以多啲幫襯。