燒烤工坊 (Closed)

呢間佐敦新開係最近新開嘅小店好耐都冇食過串燒嘅食物所以呢入嚟試下😋招牌麻辣醬焗花甲上枱嘅時候已經聞到香噴噴，有一陣陣嘅辣味傳咗過嚟。湯汁好鮮甜而且帶辣，有花甲嘅鮮味。花甲份量多，而且成功朔曬啲辣汁，非常惹味，而且食起上嚟無沙！ 睇嚟事前吐沙功夫做到足！我哋另外仲嗌左幾串串燒，有芝士腸，芝心丸雞翼等，都係以孜然粉做主要嘅調味，口感香口，燒得啱啱好！值得一試最後再嚟多條鹽燒盲曹魚🐟唔好睇小佢嘅賣相，雖然佢比鹽淹沒左但係呢老闆提醒我哋只要將魚皮一撥開就係鮮嫩嘅魚肉！ 超級有驚喜！ 魚嘅口感柔嫩細滑，而且魚肚入面塞滿左香茅等香料，配上泰式嘅青檸醬汁，超好食😋