深宵食堂

Open Now

Now Closed

之前成日係社交平台比人洗板，尤其是佢個玉子燒，今晚嚟串燒之夜。環境裝修幾用心，餐廳環境好大，仲有outdoor位置。餐牌主打串燒、小食，都有期間限定menu。 煙肉荔枝卷(1串) $38 鹹甜最佳組合，而且一完要趁熱先好食，荔枝香甜襯煙肉鹹香係我最愛嘅串燒之一。 辛口墨魚鬚串(2串) $38 呢個好抵食，七味粉再加辣粉好惹味 牛油蒜燒蟶子皇(1隻) $52店員推介嘅期間限定，蟶子皇好新鮮，牛油味重，溶於蟶子中又唔會蓋過鮮味。 香蒜一口和牛粒 $68 必點！醬汁勁濃，蒜味香再加咗啲類似燒汁咁嘅整成醬，係超級惹味，而和牛粒嫩身帶肥膏，絕對唔係坊間果啲又韌又乾。 芝士蟹肉玉子燒 $78 可以話係招牌，之前成日比人洗板就係見到呢款玉子燒 汁燒鱈魚櫻花蝦石鍋飯 $98 見到櫻花蝦就二話不說揀咗，估唔到咁多配料，有大量菌類，撈埋哂食啖啖口感，係略為醫汁少咗啲，唔夠撈飯。