串燒兄妹 (華景大廈)

Open Now

Now Closed

喺土瓜灣行街嘅時候，聞到串燒嘅香味，就搞到我即刻入咗去 串燒兄妹 叫幾串串燒嚟食。然後我發現串燒係超級抵，$100就有10串，而且有得揀唔同嘅肉，包括羊肉，豬肉，雞肉，牛肉等，肉質亦都可以接受，簡直係超抵。當中我最鍾意嘅係佢嘅牛肉，因為佢嘅牛肉好爽口，好有食串燒嘅感覺！而佢嘅羊肉都唔騷，串燒上嘅孜然粉同辣椒粉提升左味道嘅層次。除咗串燒之外，我仲另外叫咗個蒜香花甲金針菇同埋牛仔骨，金針菇嘅蒜香味好夠，有足夠嘅花甲，食得好爽呀。同時佢仲有自己調製嘅手打檸茶，唔會太甜，啱啱好幾好飲。