酒燒弄 (Closed)

大角咀簡直係個美食天堂 住左呢區一段時間都未試哂啲餐廳 今次就黎到呢間串燒小店 餐廳招牌係霓虹燈整成 好搶眼 離遠就見到佢地舖頭 成間餐廳裝修行工業風 枱與枱之間唔會太近 好適合同幾個朋友飲下野食串燒精選一人套餐😆唐揚雞軟骨 即場炸起 但唔會好多炸粉 好香脆 份量都幾多😍白鱔 啖啖肉而且都厚肉 唔腥😊雞翼 正常黑豚露荀卷 雖然有黑豚肉包住啲露筍 但完全唔油膩👌🏻黑豚五花腩 一層層肥肉 肥膩得黎又最香口莫過於佢 🤣極品牛舌心 厚肉 有咬口而唔靭 有油香味❤️茄子 所有蔬菜都唔會燒完好乾翠玉瓜 同上芝士年糕 似皮好軟熟非常煙靭 而且一咬爆哂啲芝士 鹹香鹹香 好惹味😋