Video
Read full review
2019-05-04
26 views
最近喺Facebook嘅飲食雜誌廣告上面見到呢一間食串燒嘅店，覺得都幾吸引，原來呢間串燒店喺香港已經有四間分店😱餐牌上嘅選擇超多，有辣有唔辣，任君選擇😂特別在於有啲串燒係從來冇食過，同埋冇見過嘅，所以一於黎試試。 店舖空間較細，但係唔會迫狹，店內裝潢簡單，環境一般。《雞皮墨魚滑》$38好特別既串燒！雞皮同墨魚滑呢個配搭第一次見。雞皮好薄，燒得好脆口，好似食薯片咁🤣入面既墨魚滑好爽口，夾埋一齊食好正🤤《鹽燒薄切牛舌》$28軟腍爽口亦唔乾身，不錯。《鹽燒Prime牛小排》$48色澤粉嫩，入口軟嫩多汁，牛味都幾濃，好好味，忍唔住要叫多round!!《汁燒白鱔》$48火喉掌握得好好！白鱔既皮好脆口，但竟然一啲都唔焦，厲害👍🏻魚質飽滿嫩滑又多汁，強烈推薦👍🏻《麻辣魷魚鬚》$22好夠麻同辣👍🏻愈食愈麻好過癮，入口爽彈，不過略嫌咸左啲。《軟骨免冶雞肉釀磨菇》$28呢個比較重口味，香料味偏重，所以雞肉部分偏咸，而磨菇就好香又滑，唔乾身。《芋片脆脆》$28芋片切得好薄，邊邊燒得好脆，而中間帶少許軟韌，口感好好👍🏻點蜜糖食好正，食到停唔到。《海苔黑豚肉鵪春蛋》$26個人最鐘意呢款。黑豚肉燒得夠香唔乾身
店舖空間較細，但係唔會迫狹，店內裝潢簡單，環境一般。
《雞皮墨魚滑》$38
好特別既串燒！雞皮同墨魚滑呢個配搭第一次見。雞皮好薄，燒得好脆口，好似食薯片咁🤣入面既墨魚滑好爽口，夾埋一齊食好正🤤
《鹽燒薄切牛舌》$28
軟腍爽口亦唔乾身，不錯。
《鹽燒Prime牛小排》$48
色澤粉嫩，入口軟嫩多汁，牛味都幾濃，好好味，忍唔住要叫多round!!
《汁燒白鱔》$48
火喉掌握得好好！白鱔既皮好脆口，但竟然一啲都唔焦，厲害👍🏻魚質飽滿嫩滑又多汁，強烈推薦👍🏻
《麻辣魷魚鬚》$22
好夠麻同辣👍🏻愈食愈麻好過癮，入口爽彈，不過略嫌咸左啲。
《軟骨免冶雞肉釀磨菇》$28
呢個比較重口味，香料味偏重，所以雞肉部分偏咸，而磨菇就好香又滑，唔乾身。
《芋片脆脆》$28
芋片切得好薄，邊邊燒得好脆，而中間帶少許軟韌，口感好好👍🏻點蜜糖食好正，食到停唔到。
《海苔黑豚肉鵪春蛋》$26
個人最鐘意呢款。黑豚肉燒得夠香唔乾身，表面嘅紫菜好脆身，再加埋沙律醬，成個味道層次都提升晒，好好味👍🏻👍🏻
《翠玉瓜》$14
不過不失，可以再入味啲，但係食落juicy😋
《燒淮山》$18
好爽脆，口感唔錯，不過就無咩特別既味道🤭
整體都唔錯，價錢唔算貴，食得過👍🏻👍🏻
Post
