Video
Read full review
2018-01-16
1017 views
假日要去郊外行下先會身體好, 但有咩動力好得過你行完山食餐勁既呢?!今次由灣仔出發行去香港仔再搭街渡過鴨脷洲街市就係為咗食食食!!! 朋友推薦呢間既一口西多同紅荳奶茶, 當然除咗呢2樣要食之外緊係海鮮啦~炸魚皮夠脆口又唔會好硬身~白灼海蝦, 爽口彈牙~豉椒炒聖子皇, 聖子好鮮甜, 炒得岩岩好唔會太熟, 正呀!紅荳奶茶D紅荳好綿好香豆味, 奶茶又唔會奶味太重搶晒D茶味~得呀!!!椒鹽鮮尤, 即叫即炸~外脆內軟, 又唔會好油膩~真係食完仲想再叫多碟, 果皮蒸鮑魚唔會蒸過咗火, 咬落去唔會"un"仲有淡淡既果皮香味~扇貝就同平時差不多普普通通啦~條魚唔記得係咩斑, 好滑好鮮味~仲叫圭佢招牌豬手同牛腩真係好香炆到好入味仲要好淋身完全冇晒D肥膏, 真係啖啖肉, 爽呀!!! 油鹽水花甲唔會有沙, 但如果大隻D就仲好啦~最後叫埋個一口西多士做結尾, 今次真係做幾多運動都冇用囉~哈哈!!! (海鮮係樓下買再拎上嚟加工)
Post
