Video
Read full review
2022-11-06
173 views
主打日本進口精品咖啡生豆嘅咖啡專門店～野田珈琲！早排喺朋友屋企飲咗杯野田珈琲hand drip，好啱飲，呢日就特登去灣仔嘅旗艦店食tea！小店走木系路線，不論店面還是店內裝潢都令人恍如飛到日本當地咖啡店，和風味濃！未去得日本住，唯有先來呢度一解鄉愁。小店放上多個以木桶和木櫃盛載嘅咖啡生豆，咖啡生豆選自4大產區，超過20個國家，單單是日本直送已經包括65款之多！由於店內設有焙煎室，所以可以即買即炒。每次焙煎都係以300g作單位，更加可以控制到品質，達到精品化效果。新鮮烘焙出來嘅咖啡豆，香氣、風味都更加鮮明突出，啱晒對咖啡質素有一定追求嘅朋友。值得一讚嘅係店員對咖啡豆好熟悉，想搵到最啱自己口味嘅，可以請店員介紹下！堂食有少量位置，可以呷一杯咖啡，食件蛋糕！Cappuccino ($38) Cappuccino有兩款咖啡豆選擇，我揀咗比較nutty D嘅「木」。咖啡拉花漂亮，奶泡綿密，咖啡味香濃，水準唔錯！Hand Drip Premium Single Origin（肯亞森林AB水洗 雨林認證+特別限定）($98) Hand drip揀咗肯亞森林AB水洗（可以先做一個test，會有咖啡豆介
早排喺朋友屋企飲咗杯野田珈琲hand drip，好啱飲，呢日就特登去灣仔嘅旗艦店食tea！
小店走木系路線，不論店面還是店內裝潢都令人恍如飛到日本當地咖啡店，和風味濃！未去得日本住，唯有先來呢度一解鄉愁。
小店放上多個以木桶和木櫃盛載嘅咖啡生豆，咖啡生豆選自4大產區，超過20個國家，單單是日本直送已經包括65款之多！
由於店內設有焙煎室，所以可以即買即炒。每次焙煎都係以300g作單位，更加可以控制到品質，達到精品化效果。
新鮮烘焙出來嘅咖啡豆，香氣、風味都更加鮮明突出，啱晒對咖啡質素有一定追求嘅朋友。值得一讚嘅係店員對咖啡豆好熟悉，想搵到最啱自己口味嘅，可以請店員介紹下！
堂食有少量位置，可以呷一杯咖啡，食件蛋糕！
Cappuccino ($38)
Cappuccino有兩款咖啡豆選擇，我揀咗比較nutty D嘅「木」。咖啡拉花漂亮，奶泡綿密，咖啡味香濃，水準唔錯！
Hand Drip Premium Single Origin（肯亞森林AB水洗 雨林認證+特別限定）($98)
Hand drip揀咗肯亞森林AB水洗（可以先做一個test，會有咖啡豆介紹），入口清爽乾淨，帶有莓香，酸度平衡滑順，鍾意！ 蛋糕選擇不多，但質素都唔錯！
Carrot Cake($48)
Carrot Cake濕潤鬆軟，甜度剛好。
100% Organic Matcha Basque Burnt Cheesecake($48)
抹茶Basque Burnt Cheesecake抹茶味道濃郁帶回甘，口感軟滑creamy，配咖啡一流！
Post
