Video
Read full review
2015-12-27
864 views
本店於21/12開業 而今日係聖誕假最後一天 又係星期日午餐時段 多人到不得了 到咗兩點 後面還有長長的人龍店內嘅佈置當然充滿布丁狗 餐牌 餐巾 連天花板都有... 小妹同朋友去兩個女仔食 未免浪費食物 決定先叫一個main course兩份食我哋就揀咗店鋪推薦嘅「煙肉蘑菇卡邦尼意大利粉」 餐牌上話贈送布甸狗杯 但小妹去到已經派完 結果有得睇 無得帶走 食物嚟到 像真度唔算低 而且比想像中大碟！意大利粉係用白汁煮嘅 煙肉唔太鹹 而且幾多餡 唔算「特別」讓人驚艷 但真係幾唔錯 仲好飽肚！美中不足嘅係 嗰幾塊洋蔥圈太過林之之 又凍... 杯仔裡嘅係辣椒醬 應該用嚟點洋蔥圈 小妹覺得辣椒醬還是本地的好... 但整體嚟講 個意大利粉係值得試嘅！至於甜品 就點咗芒果巴菲 結果令小妹非常失望... 布甸狗走樣都係小事... 第一大缺點：面頭嘅芒果味布丁同芒果味巴菲其實係「芒果香料味」 好假 而旁邊圍著嘅「真芒果」就一啲都唔新鮮 除咗12月唔當造 仲有怪味... cream仲多過雪糕....然而 呢度嘅服務態度認真唔錯 當小妹實在頂唔順 向店員反映
店內嘅佈置當然充滿布丁狗 餐牌 餐巾 連天花板都有...
小妹同朋友去兩個女仔食 未免浪費食物 決定先叫一個main course兩份食
我哋就揀咗店鋪推薦嘅「煙肉蘑菇卡邦尼意大利粉」
餐牌上話贈送布甸狗杯 但小妹去到已經派完 結果有得睇 無得帶走
煙肉蘑菇卡邦尼意大利粉
$149
140 views
0 likes
0 comments
食物嚟到 像真度唔算低 而且比想像中大碟！意大利粉係用白汁煮嘅 煙肉唔太鹹 而且幾多餡 唔算「特別」讓人驚艷 但真係幾唔錯 仲好飽肚！美中不足嘅係 嗰幾塊洋蔥圈太過林之之 又凍... 杯仔裡嘅係辣椒醬 應該用嚟點洋蔥圈 小妹覺得辣椒醬還是本地的好... 但整體嚟講 個意大利粉係值得試嘅！
至於甜品 就點咗芒果巴菲 結果令小妹非常失望...
布甸狗芒果巴菲
$119
86 views
0 likes
0 comments
布甸狗走樣都係小事... 第一大缺點：面頭嘅芒果味布丁同芒果味巴菲其實係「芒果香料味」 好假 而旁邊圍著嘅「真芒果」就一啲都唔新鮮 除咗12月唔當造 仲有怪味... cream仲多過雪糕....
然而 呢度嘅服務態度認真唔錯 當小妹實在頂唔順 向店員反映 侍應姐姐主動話換個新嘅甜品畀我哋 而且任揀唔洗價錢
結果 我哋叫咗淨布甸 但效果一樣麻麻 質感太一pat嘢 都係普通麵包店嘅好味...
布甸狗
$49
365 views
0 likes
0 comments
結論：主菜試得過 甜品免問！Gimmick嘅嘢 湊下熱鬧就好...
Post
