Black Coffee

Open Now

Now Closed

是日唔想排隊關係12點就到左，順利入座，用餐時間限時90分鐘，最後差唔多一點左右離座門口都未見人龍。星期日計人流比想像中少，因為平時經過都見門口大排長龍。-🐔水牛城雞翼 $68屬半正宗做法，唔會太酸無乜辣度，不過就幾啱我哋口味。-🍝自家製忌廉蘑菇貓耳朵意粉 配 慢煮口水雞扒 $124意粉醬汁濃稠，貓耳朵意粉有啲似大粒版嘅貝殼通粉，比預期中好食，有驚喜。大大碟好足份量，食完好飽🙉雞扒比平時正常食開大塊，用慢煮方式處理十分嫩滑，口水雞味道有食到，估唔到成件事都幾夾，同樣有驚喜。整體屬水準之作，下次再訪都唔知試新野好定食番呢個好🙊-🍫70%朱古力髒髒日式梳乎厘鬆餅 $102本來食過姊妹店heysonuts出品幾唔錯，諗住呢間水準都應該差唔多。點知梳乎厘冇乜空氣感口感偏實，唔夠濕潤入口偏乾，明顯係整得過熟，失望，十分唔推介。下次甜品試番tiramisu。-☕️黑糖培茶鮮奶（熱）$39唔苦又唔會太甜，口感順滑，茶味突出，黑糖味唔係好覺，整體不錯。-🍶白桃茶（冷）$46試飲左啖都唔錯，不過甜度可以稍為降低返少少🤏🏻-總結：相比同類cafe定價合理選擇多，出品有水準。不過坐得未算舒適，整體節奏感覺比較