Video
Read full review
2009-08-26
60 views
晚上興起, 同大人到赤柱食飯. 見openrice 有間印度餐廳介紹, 就動身走去試下喇, 去到赤柱, 唔記得左間餐廳正確地址, 搵左一輪, 之後索性打個電話去該餐廳問下喇! 唔問由是可, 一問先知原來0係巴士總站對面間超級市場同咖啡店中間, 有條樓梯, 一落就見到.........真笨...是夜到達時, 已大約9時..只見店內空無一人...心想...唔係阻住人閂門下ma???之後有一位印度女侍應出迎, 一問之下原來閂11點. 心想: 都冇咁驚~~~侍應之後問我地想坐外面還是入面, 因為天氣都有番咁上下熱, 所以選擇左店內.先說環境, 一進入店內,感覺唔錯, 都幾舒服~聽到柔柔的印度音樂, 再看, 即喜上眉梢 ~~ 同大人講: 哈~ 仲唔比我搵到間冇印度mv 播緊0既印度餐廳?? 之後女侍應遞上餐牌, 我地就點菜喇~~~點左個燒雞, 一個羊咖哩, 一個豆, 一個plain nan, 一個"卡斯媽lee"nan (唔識串呀), 一杯mango lassi, 一杯lemonade soda女侍應一路從旁介紹, 非常細心女侍應幫我地落完單後, 就送上d 胡椒餅呀, 咖哩角呀0個d 典型印
去到赤柱, 唔記得左間餐廳正確地址, 搵左一輪, 之後索性打個電話去該餐廳問下喇!
唔問由是可, 一問先知原來0係巴士總站對面間超級市場同咖啡店中間, 有條樓梯, 一落就見到.........真笨...
是夜到達時, 已大約9時..只見店內空無一人...心想...唔係阻住人閂門下ma???之後有一位印度女侍應出迎, 一問之下原來閂11點. 心想: 都冇咁驚~~~
侍應之後問我地想坐外面還是入面, 因為天氣都有番咁上下熱, 所以選擇左店內.
先說環境, 一進入店內,感覺唔錯, 都幾舒服~聽到柔柔的印度音樂, 再看, 即喜上眉梢 ~~ 同大人講: 哈~ 仲唔比我搵到間冇印度mv 播緊0既印度餐廳??
之後女侍應遞上餐牌, 我地就點菜喇~~~
點左個燒雞, 一個羊咖哩, 一個豆, 一個plain nan, 一個"卡斯媽lee"nan (唔識串呀), 一杯mango lassi, 一杯lemonade soda
女侍應一路從旁介紹, 非常細心
女侍應幫我地落完單後, 就送上d 胡椒餅呀, 咖哩角呀0個d 典型印度小食~~~
塊胡椒餅幾好食,但冇咩特別,同其他印度餐廳差不多
個咖哩角呢...之前食過d 印度餐廳, 都唔太鐘意, 嫌佢地太干, 太硬淨,又有青豆喎 所以都係抱住是是但但食左佢0既心態... 殊不知~呢個正喎, 首先夠熱啦, 個皮都夠鬆脆, 入面d 咖哩薯仔唔會好干,有d 食緊日本吉列薯餅0既感覺~~~但係都有青豆.....
之後女侍應又送上mango lassi 同杯lemonade soda, 大人飲mango lassi, 佢話好飲喎
咁我咪又試下law~飲左一小口, d 芒果味都幾正喎, 不過冇試真, 下次自己叫杯再試真d 先
上菜前有d 時間, 阿女侍應無啦啦主動問我地點會搵到唻~之後我地三人之間,言談甚歡,講講下不知不覺就上菜lu~~~
先來的, 是chicken tikka, 即係個燒雞, 喂, 正喎, 外面夠干身, 入面又竟然仲有肉汁喎, 而且一d 都唔硬, 都幾軟身彈牙, 真係 "口感唔錯"呀~d 菜都好好食, 索晒d 汁~下次試下佢叫攞d 洋蔥去薦底先, 應該會仲好味~
之後唻左個羊咖哩, 同個豆, 仲有plain nan, 即係印度薄餅,
先講個羊咖哩, d 汁好香,唔太辣, fit 呀, 鐘意辣0既朋友大可同佢講聲
因為佢話有隻汁,又唔記得左咩名喇, 可以好辣下, d 外國人好鐘意夏天唻食, 出一身汗咁喎~~
而d 羊肉, 又確係幾盞, 淋得唻都好嫩下, 又係唔干, 唔太羶, 好味道~
個豆就有d似食汁, 入面煮d 豆仔, 味道都唔錯,用唻點d nan 就真係一流喇~~~
個"卡斯媽lee" nan 都唔錯喎,
而個plain nan 本人就略嫌唔夠厚, 可以好dd
食食下, 都 9點幾喇, 仲見有幾個外國人唻幫襯,我諗佢地係唻宵夜喇...
食飽當然要埋單啦,
兩個人, 埋單2百幾, ok 喎, 女侍應仲話下次唻比個9 折過我地~~~
heheh
正呀
自從中環阿Jay間小店結業後...
都好少搵到一間咁好0既印度餐廳喇...
試過印度媽媽, 雖然冇0個種親切 但都唔錯... 不過又結業lu...
而其他~
試過一次後都未有再去0既意欲,
而呢間~~~
好彩本人家住香港仔,
大概會成為常客吧~~~
Post