六福菜館

Open Now

Now Closed

聽到一位多年冇見的食友蒲頭，之前佢銷聲匿跡，唔講真係以為佢香左。所以再遠也會奉陪。一行人揀咗米芝蓮一星常客，當然，老友點名話呢間正。雖然自己第一次食，但友人都表示味道始終如一，正如長期佢地霸住米芝蓮個位一樣，今年又見到佢地。入得嚟呢度食飯都係”鮮”入為主，唔新鮮既海鮮都唔會比客人。海斑龍吐珠炒球斑球爽嫩鮮味，然後將魚頭魚骨炸埋，酥脆惹味，一魚兩食，一定要大魚先正。果皮蒸鮑魚 南非3頭鮑魚勁大隻，雖然3頭鮑魚好有份量，入口絕對唔韌，果皮蒸最原汁原味。豉油王炒肉蟹蟹肉味道鮮甜，同時帶有豉油的香氣，忍唔住要啜啜指頭。豉椒炒蟶子皇煎米粉豉椒炒蟶子既升級版。新鮮蟶子口感爽脆，但風頭被煎米粉搶走，煎米粉既爽脆口感令人眼前一亮。椒鹽奇脆豆腐 豆腐外脆內嫩，嫩得像炸鮮奶般。椒鹽味恰到好處，並非一味死鹹，難得不帶油膩感。西貢地道魚湯叫得西貢地道魚湯，取料當然係西貢的漁民，揀選新鮮既魚熬湯，加上蕃茄，鮮甜無比，一定要襯熱飲避免變腥。生扣北菇雞腳 冬菇炆得又香又腍，調味並非一味死鹹。豉油王炒麵平常不過既豉油王炒麵幾乎成為是日之最，至少今晚在座朋友個個有讚冇彈。炒麵乾爽，惹味，甚有乾炒牛河既影子。椰汁西米糕甜