冬蔭公公 (Closed)

天氣太熱。冇咩胃口。想搵啲酸野食。去開沙田。發現有冬蔭公公。好懷念佢嗰個夠酸嘅冬蔭公湯。叫左bb辣冬蔭公檬粉+雞絲+炸魚腐。再+$5叫左杯凍檸茶。杯凍檸茶好大杯。用外賣膠杯裝。可能方便啲人拎走。不過就唔太環保。檸茶啲茶冇乜茶味。4片檸檬都冇乜檸檬味。勝在佢夠凍夠大杯。冬蔭公湯雖然好似冇以前咁濃。不過都仲係令人容易接受嘅冬蔭公味。夠酸夠香又唔太刺激。bb辣就唔太食到辣味。雞絲份量唔太多。略嫌有啲鞋。魚腐有3粒。係細細粒偏硬實嗰種。花生香脆冇油味。芽菜份量算多。呢個價錢為個湯係值嘅。不過配料質素可以提升會更好。