香港仔君豪魚蛋王 (Closed)

黎到港島西，人生路不熟，突然肚餓想食麵，唯有憑感覺搵間麵店試試。經過君豪門口就聞到好香濃既腩汁味，就係咁，我就揀左呢間碰碰運氣。魚蛋河，手打魚蛋夠彈牙，魚片爽口，湯汁清甜，河粉煮得剛剛好，唔會太軟身一夾就爛。牛雜麵，腩汁湯底夠濃厚，又香又惹味，牛雜洗得好乾淨，而且非常入味，麵質爽口彈牙，非常有咬口。走地雞飯，走地雞肉質嫩滑，雞味夠，配上薑蓉撈飯食，滋味滋味。紫菜湯夠晒清甜，用黎中和薑蓉既咸味剛剛好。難得有水準既老牌麵店，值得推薦。