養心殿台式養生鍋 (Moved) New Location

好耐冇打過邊爐,好想食台式養生鍋,所以就約埋朋友去食養心殿,之前食過幾次雖然價錢比較貴,但係間唔中食一次都唔算過分。湯底揀揀咗麻辣同酸菜白肉湯底,兩款都可以額外免費送一份鴨血或者酸菜白肉,可以任選其中一款,我揀左酸菜白肉。麻辣湯底我揀咗中辣,唔算太辣不過好香,裏面本身仲有鴨血。鴨血好嫩滑,同麻辣湯底好夾,係麻辣鍋必需嘅食物。酸菜白肉湯底除左有酸菜同白肉仲有寬粉,吸收晒酸菜湯底嘅精華,愈食愈開胃。脆響鈴新鮮炸起,上枱仲係新鮮熱辣辣。我個人就覺得配麻辣湯底好正,我比較鍾意食脆嘅口感,所以淥3秒就會拎起,響鈴嘅外層吸收左麻辣湯底,但內裏又帶點脆口。鵝肝墨魚丸同黑松露蝦丸我都各叫做半份,每半分有四粒,兩款都係我之前食過覺得唔錯嘅手工丸。朋友話想食餃子但係咁多選擇,諗唔到食邊款所以就決定叫咗個餃子拼盤,有齊晒韭菜餃,水蓮餃,鮮蝦雲吞,麻辣牛肉餃同極品手餃。