岡山一番店 (樂富廣場)

Open Now

Now Closed

📍樂富廣場6月頭開咗間過江龍嘅日本拉麵店，到依家人流都仲係好多，等排隊都等咗10分鐘左右。入到去每人會有一張落單紙，可以自己揀食啲咩拉麵，除咗可以揀麵嘅份量，仲可以揀芽菜份量、辣度、麵嘅硬度、口味同油濃淡等。出邊仲有關東煮自助區，可以出邊拉麵落單之前，夾完然後一次過俾錢，試咗幾款，較推介白蘿蔔，大嚿入味而且軟稔。第一次食我哋都揀咗半熟玉子拉麵，我哋揀咗兩倍芽菜份量，原來都幾多，豚骨湯底較油，好彩係配粗麵食落都幾夾。叉燒半肥瘦都做得唔錯👍🏼另外出邊會有自助水機提供，唔叫嘢飲都可以自己出面斟水飲。呢個價錢又唔洗加一，唔怪之得人流keep住有，同朋友再覺得可以再試。