土司工坊 (Closed)

第一次去，以後絕對不會再去，喺隔離和民&翡翠食飯一定開心好多。我地兩公婆晚上十點度買完嘢未食飯經過Toastbox 見到出面個set menu的相好似幾吸引，咪問個員工仲有無其他嘢揀啦，呢個好高嘅哥哥竟然黑面兼無好氣地話係，然後費事睬我地。算啦，可能星期六夜晚，辛苦咗一個禮拜，無精神啦。甘我地order兩個勒沙湯麵+奶茶，本來老公想要凍奶茶少冰，佢就串串甘話少冰好快溶嚄，老公聼唔清楚就有禮貌地問佢講咩啦，點知佢竟然又用好惡劣的態度講多次少冰好快溶，唉，算啦，甘我地就話兩杯都熱啦唔該，另一個收銀的竟然問係咪一個嘞沙兩個奶茶。救命，星期六晚就收工都唔駛甘下話？奶茶其實都ok，不過嘞沙就一d都唔似嘞沙，又勁細碗，如果正常晚餐時間食就一定唔夠飽，好彩我地夜食。最搞笑呢，係當我試緊部新買的相機時，有個員工走過來説呢度係唔俾影相嘅！下？乜會有餐廳係唔准影相嘅咩？甘如果我覺得好好食，想post上openrice都唔得？？ 如果我同班friend來慶祝生日，影張相留念都唔得？