牛石料理 (Closed)

九龍城呢個地方，如果唔係住附近都未必會黎，但我誓要食勻十八區，所以專程黎食呢間好評如潮的日本料理。餐廳環境雅緻，有卡位同高身座位可供選擇。今次就二人就食左軟殻龍蝦沙律（$168）、綠茶麵（$59）、海膽手卷（$72）同埋鵝肝壽司（$58）。軟殻龍蝦就當然係連殻食，食落又香又脆。而沙律嘅特別之處係主要有海葡萄，因為今次係第一次，聽聞佢嘅鈣含量係高過牛奶五倍，仲有鉀，不過唔少人都話味道會好腥又伏，但事實係覺得相反，因為好fresh又無腥味，睇落又真係迷你葡萄咁，好通透。食完個沙律後仲好開胃。綠茶麵可選冷/熱，而本人就揀左熱，份量好多，大大碗。麵條係較幼身，軟硬度適中，配上個清清地嘅湯同菜，岩曬素食人士。海膽好大片，食落都無腥味，十分鮮甜，而且唔單止係面頭有，一路食落都發現中間仲有夾住，好足料。鵝肝好大件，食落係外脆內軟，入口即化，仲帶有油香，想再encore。最後仲有兒時回憶-彩虹🌈啫喱做甜品，係免費的，好味得黎仲爲呢次九龍城覓食之旅畫上完美句號。