Video
Read full review
2022-07-12
520 views
利申：真實食後感未開業之前路過見到門口就已經諗住開業之後試下，於是今日lunch就諗住試下九龍坎，見佢有午市$96肥牛餐就試下啦，黎左套餐之後過一陣侍應埋黎同我講我未點鍋，於是一睇，一個鍋$100＋，不過野食到晒都好難退餐走人，於是叫個最平既湯底黎試。老老實實，d醬料味道唔差，食材質素都係正正常常，不過睇相都見，就係相咁多野，芝士腸、菜、肥牛、炸枝竹，再多碗飯，白蘿蔔同蕃茄呢d滾湯料都唔會點食，茶要另外加5蚊所以冇叫。$96肥牛餐＋$25醬料費（每位計）＋$106蚊最平既鍋，再加一服務費，相入面一set已經$250，如無意外我應該唔會再去，基本上如果4個人去食都嫌野食小，我一邊食一邊諗自己用放題價買左幾片肥牛......其實食果陣有侍應埋黎話如果我影相分享落OpenRice,社交平台果d會免費送多碟野食，不過睇返張相，$250得呢d，其他分比得再高，抵食果項都比唔到高分呀.... 比250呢個價錢仲要食得唔滿足，想我點比好評?....其實我係門口入去之前已經問侍應有冇lunch set，有我就入去，估唔到lunch set都係要另外點個過百蚊既鍋，失晒策
未開業之前路過見到門口就已經諗住開業之後試下，於是今日lunch就諗住試下九龍坎，見佢有午市$96肥牛餐就試下啦，黎左套餐之後過一陣侍應埋黎同我講我未點鍋，於是一睇，一個鍋$100＋，不過野食到晒都好難退餐走人，於是叫個最平既湯底黎試。
老老實實，d醬料味道唔差，食材質素都係正正常常，不過睇相都見，就係相咁多野，芝士腸、菜、肥牛、炸枝竹，再多碗飯，白蘿蔔同蕃茄呢d滾湯料都唔會點食，茶要另外加5蚊所以冇叫。
$96肥牛餐＋$25醬料費（每位計）＋$106蚊最平既鍋，再加一服務費，相入面一set已經$250，如無意外我應該唔會再去，基本上如果4個人去食都嫌野食小，我一邊食一邊諗自己用放題價買左幾片肥牛......
其實食果陣有侍應埋黎話如果我影相分享落OpenRice,社交平台果d會免費送多碟野食，不過睇返張相，$250得呢d，其他分比得再高，抵食果項都比唔到高分呀....
比250呢個價錢仲要食得唔滿足，想我點比好評?....
其實我係門口入去之前已經問侍應有冇lunch set，有我就入去，估唔到lunch set都係要另外點個過百蚊既鍋，失晒策
Post
