Video
Read full review
2022-04-28
379 views
「小編表示：即使sem尾大爆炸，都要出堅持post刷存在感:‘>」被譽為小泰國嘅九龍城中，泰國餐廳遍佈橫街小巷，有選擇困難嘅朋友唔知揀邊間好？黎金寶泰國餐廳就啱啦！餐廳於九龍城屹立20年，現時設有兩間分店，廚師水準同食物質素都相當有保證。小編黎親九龍城食泰國菜，十次有九都係食呢間，因為實在太好食了！今日就同大家介紹7道回頭指數最高嘅菜餚～💁🏻♀️第七名：黃咖哩雞檬魚露撈檬就聽得多，黃咖哩撈檬又有冇見過？小編第一眼見到就覺得新奇，於是勇闖一試，竟然又幾好食。有別於用平時凍食嘅撈檬，熱食嘅檬粉較柔軟細滑，同溫和醇厚嘅黃咖哩又幾匹配。黃咖哩辛辣味較淡，椰香甜味濃厚，對唔食辣但又想食咖哩嘅朋友而言，絕對係推薦之選！💁🏻♀️第六名：生菜包豬肉廚師將肉碎同泰式香料放落擭爆炒，釋出嘅豬油令香料味道更突出，令豬肉更嫩滑。生菜爽脆，豬肉煙韌，包住黎食口感十足。清新嘅生菜令豬肉嘅油膩感全消，剩下係口中嘅只有早已滲入肉碎中嘅辛辣味，十分惹味！💁🏻♀️第五名：冬陰功又係一道令人倍有食欲嘅菜餚。材料雖簡單味道卻濃郁，包括大蝦、番茄、紅椒、香菇、椰奶、香茅等各種香料。香茅令酸辣湯底味道更濃厚，椰香味恰到好
「小編表示：即使sem尾大爆炸，都要出堅持post刷存在感:‘>」
被譽為小泰國嘅九龍城中，泰國餐廳遍佈橫街小巷，有選擇困難嘅朋友唔知揀邊間好？黎金寶泰國餐廳就啱啦！餐廳於九龍城屹立20年，現時設有兩間分店，廚師水準同食物質素都相當有保證。小編黎親九龍城食泰國菜，十次有九都係食呢間，因為實在太好食了！今日就同大家介紹7道回頭指數最高嘅菜餚～
💁🏻♀️第七名：黃咖哩雞檬
魚露撈檬就聽得多，黃咖哩撈檬又有冇見過？
小編第一眼見到就覺得新奇，於是勇闖一試，竟然又幾好食。有別於用平時凍食嘅撈檬，熱食嘅檬粉較柔軟細滑，同溫和醇厚嘅黃咖哩又幾匹配。黃咖哩辛辣味較淡，椰香甜味濃厚，對唔食辣但又想食咖哩嘅朋友而言，絕對係推薦之選！
💁🏻♀️第六名：生菜包豬肉
廚師將肉碎同泰式香料放落擭爆炒，釋出嘅豬油令香料味道更突出，令豬肉更嫩滑。生菜爽脆，豬肉煙韌，包住黎食口感十足。清新嘅生菜令豬肉嘅油膩感全消，剩下係口中嘅只有早已滲入肉碎中嘅辛辣味，十分惹味！
💁🏻♀️第五名：冬陰功
又係一道令人倍有食欲嘅菜餚。材料雖簡單味道卻濃郁，包括大蝦、番茄、紅椒、香菇、椰奶、香茅等各種香料。香茅令酸辣湯底味道更濃厚，椰香味恰到好處，唔會掩蓋酸辣味，大蝦同番茄煮得好入味，趁熱飲湯既暖胃又惹味。
💁🏻♀️第四名：菠蘿焗飯
熟嘅菠蘿同三色豆係小編由細到大最討厭嘅食物。勢估唔到，用一堆難食嘅食物炒飯，再配上肉鬆一同食用，竟然意外地好食，有點驚喜。炒飯份量偏多，粒粒分明，口感偏乾身，味道味酸中帶清甜，非常開胃，加上濃郁嘅讓人大口大口食過不停。另外用菠蘿蓋作飯碗大大提升食物美感，打卡指數爆棚！
💁🏻♀️第三名：泰式炒金邊粉
金寶嘅炒金邊粉添、酸、鹹、辣共治一爐，入甜酸味突出，後勁偏鹹辣，係小編食過咁多間泰國餐廳中味道層次最分明嘅金邊粉。另外麵條口感偏淋，雖濕潤，卻不油膩。至於兩隻熟蝦肉質緊實爽口，蝦味突出。值得一讚嘅係廚師使烹調時將蛋絲一同下擭炒，蛋香味拎整道菜嘅味道更上一層樓。
💁🏻♀️第二名：泰式豬頸肉
金寶嘅烤豬頸肉，絕對係我食過最好食嘅泰式烤物！亦係每次光顧金寶泰國餐廳都會點嘅一道菜。豬頸肉份量頗多，厚度適中。口感與味道方面，邊邊香脆，肉質結實，油脂感豐富，炭燒香味十足。而特別嘅醬汁係整道菜嘅靈魂，餐廳採用特別嘅濃稠甜酸醬，比起傳統嘅稀身酸辣汁，與甜酸醬嘅配合更和諧，更出色。
💁🏻♀️第一名：泰式生蝦💥
泰國師傅即叫即劏，每隻生蝦都新鮮香甜，肉質肥美，放係冰塊上令其冰鎮感更突出，肉質更爽彈。異於普通刺身，泰式生蝦表面唔會黏笠笠。淋上由海量蒜頭、辣椒、洋蔥、魚露等材料製成嘅醬汁食用，醬汁嘅酸辣味同生蝦嘅鮮甜味巧妙地融為一體，味道相得彰顯。不過辣味較重，唔食得辣嘅朋友可能會接受唔到。
無可否認金寶泰國餐廳係小編最鍾意食嘅九龍城泰國餐廳，但其實除左金寶外，九龍城仲有好多好食嘅馳名泰國食店，有機會再同大家逐一介紹～以上就係小編認為金寶泰國餐廳最好食嘅7道菜～希望幫到大家係九龍城搵食😝
#美食 #香港美食 #九龍城美食 #九龍城泰國菜 #泰國菜 #泰國餐廳 #冬陰功 #烤豬頸肉 #泰式生蝦 #金邊粉 #打卡好去處 #香港打卡 #中餐廳 #打卡景點 #打卡餐廳 #拍拖好去處 #餐廳 #餐廳推介 #假日好去處 #食好西 #美食攝影 #hkfoodie #hkgirl #金寶泰國餐廳
Post
