Video
Read full review
2022-11-01
35 views
一直都有留意開依間餐廳，成日想出旺角食都冇食到，估唔到公司附近嘅MegaBox都有一間；星期五晚放工即刻叫男友大大同我試吓～火焰盛丼$165有齊帶子、蟹柳、三文魚、左口魚，炙燒過後更惹味，魚生都幾新鮮，連埋珍珠米一齊食口感味道相當豐富❤️份量上，每款魚生有三塊左右，爆嘅感覺主要係因為個碗唔算大，可能等於1.5-2個酒樓嘅碗啦；我同男友大大都唔算大食就覺得幾飽，但可能對比較大食嘅朋友就有啲失望😂三文魚火山丼 $148初時以為剩係得三文魚粒，原來上面鋪滿左吞拿魚蓉同有少少三文魚子，吞拿魚蓉都幾甜，三文魚子亦唔腥，主角三文魚都幾肥美，可以一次過滿足壽司癮～總結：雖然冇影到麵豉湯俾大家睇，但我印象都幾深刻，湯入邊竟然有牛肋肉，仲有海帶等材料，唔係平時嘅味精湯，味道都唔錯；至於之前見到麻麻地嘅評價，個人又覺得唔係咁差，魚生質素當然唔可以同日本空運個類比，但絕對好過酒店自助餐個啲，我同男友大大已經點咗全場最平嗰兩個，覺得性價比都算高；但再貴啲去到二百幾三百蚊就唔知係點，如果大家食過可以話我知～評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就foll
火焰盛丼$165
有齊帶子、蟹柳、三文魚、左口魚，炙燒過後更惹味，魚生都幾新鮮，連埋珍珠米一齊食口感味道相當豐富❤️份量上，每款魚生有三塊左右，爆嘅感覺主要係因為個碗唔算大，可能等於1.5-2個酒樓嘅碗啦；我同男友大大都唔算大食就覺得幾飽，但可能對比較大食嘅朋友就有啲失望😂
1 views
0 likes
0 comments
三文魚火山丼 $148
初時以為剩係得三文魚粒，原來上面鋪滿左吞拿魚蓉同有少少三文魚子，吞拿魚蓉都幾甜，三文魚子亦唔腥，主角三文魚都幾肥美，可以一次過滿足壽司癮～
3 views
0 likes
0 comments
總結：雖然冇影到麵豉湯俾大家睇，但我印象都幾深刻，湯入邊竟然有牛肋肉，仲有海帶等材料，唔係平時嘅味精湯，味道都唔錯；至於之前見到麻麻地嘅評價，個人又覺得唔係咁差，魚生質素當然唔可以同日本空運個類比，但絕對好過酒店自助餐個啲，我同男友大大已經點咗全場最平嗰兩個，覺得性價比都算高；但再貴啲去到二百幾三百蚊就唔知係點，如果大家食過可以話我知～
評分（5⭐️為最高）：
環境：⭐️⭐️⭐️
服務：⭐️⭐️⭐️
食物：⭐️⭐️⭐️⭐️
價錢：⭐️⭐️⭐️⭐️
如果喜歡我地嘅餐廳食野情報就follow@我地 hkfoodie_90s_couple啦～
Post
