Video
Read full review
2022-09-04
193 views
放假就要放肆下！今日過去九龍灣探朋友，佢就帶咗我去附近嘅餐廳，話佢嘅無骨炸雞好出色！呢間小食皇大排檔除咗有小食，例如煎釀三寶、炸燒賣、腸粉等等，仲有車仔麵同埋炒粉麵飯，選擇超級多，所以無論堂食定外賣都幾旺！無骨炸雞半份 （$32）炸到外皮香脆但內裏仍然好嫩滑，除咗醃製過之外，炸雞外面落咗少少椒鹽調味，啖啖肉又夠惹味，真係好有驚喜！潮炒豬頸肉公仔麵（$65）竟然比我見到有炒公仔麵食！炒公仔麵鑊氣好夠，豬頸肉份量都唔少，加埋芽菜洋蔥等嘅配料，口感好豐富。另外仲叫咗一碗車仔麵，炸魚皮好香脆，咖喱魷魚香濃惹味，咖哩汁同粗麵底好夾！每碗車仔麵最低消費只係$32，夠曬自由，豐儉由人！老闆同店員們都好快手又熱情，好鍾意呢種香港獨有嘅大排檔感覺！
呢間小食皇大排檔除咗有小食，例如煎釀三寶、炸燒賣、腸粉等等，仲有車仔麵同埋炒粉麵飯，選擇超級多，所以無論堂食定外賣都幾旺！
無骨炸雞半份 （$32）炸到外皮香脆但內裏仍然好嫩滑，除咗醃製過之外，炸雞外面落咗少少椒鹽調味，啖啖肉又夠惹味，真係好有驚喜！
潮炒豬頸肉公仔麵（$65）竟然比我見到有炒公仔麵食！炒公仔麵鑊氣好夠，豬頸肉份量都唔少，加埋芽菜洋蔥等嘅配料，口感好豐富。
另外仲叫咗一碗車仔麵，炸魚皮好香脆，咖喱魷魚香濃惹味，咖哩汁同粗麵底好夾！每碗車仔麵最低消費只係$32，夠曬自由，豐儉由人！
老闆同店員們都好快手又熱情，好鍾意呢種香港獨有嘅大排檔感覺！
Post
