Kinson Burger & Bar (Closed)

今日仲係放緊復活節假，我同老公一齊由屋企行到嚟呢度，覺得午餐價錢都OK，又有戶外位，可以對住少少花花草草食下西餐，都幾唔錯，於是就坐咗落嚟。戶外位少不免有人食煙，但係因為實施左1.5米距離，其實都仲忍得到d二手煙。嗌咗個黑胡椒牛肉漢堡，薯條係又粗又大條又好味，但係覺得牛肉太過乾，仲分分鐘乾過啲薯條，而且so far我都未食過黑胡椒咁重嘅牛肉漢堡，有少少唔慣， 個漢堡包食完都好乾，不過嘢飲有半價，最後每個人埋單$90 ，都算非常合理的，味道不過不失咁，假期喎，又喺呢邊人少嘅地方，環境都好舒適，都冇囇親，因為有太陽傘。大家都好chilled，都帶埋隻狗黎食飯，氣氛都幾唔錯。如果佢可以個牛肉唔好用咁多黑胡椒調味，而且有返啲水份，咁我會食得更加開心。