Video
Read full review
2019-05-21
123 views
夏日炎炎， 想去大排啤一啤又怕熱， 呢一間位於西裕街新開嘅大排檔《粵舫老趙》， 一改以往大排檔邋遢嘅印象， 裝修非常光猛， 座位寬敞，而且更有冷氣， 就算係夏天熱辣辣， 都可以輕輕鬆鬆咁食下小炒 飲下啤酒。呢度除咗有大排檔嘅鑊氣小炒之外， 仲有雞煲同打邊爐選擇， 款式樣樣俱備， 總有幾款啱心水。啤酒方面選擇都算多， 仲畀埋冰桶， 夏日炎炎黎個冰鎮嘅啤酒夠曬爽， 簡直係透心涼。麻辣雞煲半隻$128， 即係色香味俱全， 花椒味香濃，辣味亦十足， 加入咗洋蔥、芫茜、青椒、大蔥等去爆香， 香氣逼人。 雞件 分量相當多， 而且肉厚， 又夠嫩滑。 打完個汁仲可以用嚟打邊爐， 夠曬惹味。點咗脆炸響鈴，響鈴即叫即炸， 熱辣辣脆卜卜。蒜蓉粉絲蒸海蝦$148， 呢一款小菜幾乎係枱枱必點項目。 黃金炸蒜加埋熟蒜，將蒜蓉嘅香氣同埋精華發揮得淋漓盡致。 海蝦非常新鮮， 肉質彈牙爽嫩，蝦頭部份更有蝦膏，甘香美味。另外廚師推介冰梅欖角一字骨$98， 一字骨令立立，皆因上面有一層厚厚嘅酸梅醬。夏日炎炎， 最啱就係食啲酸酸甜甜嘅餸菜。 酸梅醬帶有梅嘅香氣，甜度適中，唔會確喉。 加入咗欖角， 加添咗一份獨特的嘅鹹香。豉汁
呢度除咗有大排檔嘅鑊氣小炒之外， 仲有雞煲同打邊爐選擇， 款式樣樣俱備， 總有幾款啱心水。
啤酒方面選擇都算多， 仲畀埋冰桶， 夏日炎炎黎個冰鎮嘅啤酒夠曬爽， 簡直係透心涼。
麻辣雞煲半隻$128， 即係色香味俱全， 花椒味香濃，辣味亦十足， 加入咗洋蔥、芫茜、青椒、大蔥等去爆香， 香氣逼人。 雞件 分量相當多， 而且肉厚， 又夠嫩滑。 打完個汁仲可以用嚟打邊爐， 夠曬惹味。
點咗脆炸響鈴，響鈴即叫即炸， 熱辣辣脆卜卜。
蒜蓉粉絲蒸海蝦$148， 呢一款小菜幾乎係枱枱必點項目。 黃金炸蒜加埋熟蒜，將蒜蓉嘅香氣同埋精華發揮得淋漓盡致。 海蝦非常新鮮， 肉質彈牙爽嫩，蝦頭部份更有蝦膏，甘香美味。
另外廚師推介冰梅欖角一字骨$98， 一字骨令立立，皆因上面有一層厚厚嘅酸梅醬。夏日炎炎， 最啱就係食啲酸酸甜甜嘅餸菜。 酸梅醬帶有梅嘅香氣，甜度適中，唔會確喉。 加入咗欖角， 加添咗一份獨特的嘅鹹香。
豉汁鮮竹蒸脆鱔$168，鱔件新鮮，份量亦比我想像中多。 肉質爽嫩， 加埋惹味嘅豉汁， 非常好下飯。
呢間大排檔， 或者係中菜館嘅餐廳價錢合理， 最緊要係小菜鑊氣， 食得又舒舒服服， 想食大排檔又怕熱嘅話， 不妨試一試。
Post
