Video
Read full review
2022-07-13
124 views
之前有見過人post呢間餐廳，感覺好似幾靚咁所以就bookmark 左～ 然後同朋友行開上海街就提議不如試試呢間啦～成間餐廳都勁多乾花😳🍱Lucky西日小食拼盤 $208呢個拼盤一上到黎我就已經相機ready～個拼盤勁igable!🤩 然後入面有幾款唔同嘅小食～最印象深刻嘅係帶子牛油果他他😍 帶子真係超級厚肉超級大粒！只係細一個手掌少少！（當然我隻手唔太大🤣） 而且面頭係燒過嘅，帶子都好新鮮，所以食落真係有鮮甜味～然後第一次食牛油果他他，牛油果都幾多，都做到有啲似牛肉他他嘅他他味，酸酸地都醒胃嘅～另外仲有個芒果蟹肉撻，撻皮係似甜嘅曲奇皮，有芒果喺入面所以就酸酸甜甜咁，上面仲要有幾粒三文魚子喺度～芝麻雞翼都炸得嘅香脆，同埋佢個芝麻味都夠，醃得夠味又冇過咸～唐揚魷魚真心幾好食～ 外皮炸得夠脆，同埋入面都夠爽口佢仲有個什菜杯配酸忌廉,啲菜、紅蘿蔔同青瓜都好新鮮～佢嗰款紅蘿蔔係似平時🐰食嗰啲，不過蘸埋酸忌廉就開胃好多～🐮安格斯至尊薄餅 $158Pizza嘅餅皮食得出係人手搓嘅～又夠薄，邊邊夠脆同埋入面都幾煙韌下～然後芝士都多，其實都有拉絲（不過我影得麻麻就唔po了）～雖然本身以為安格斯係會一舊
🍱Lucky西日小食拼盤 $208
西日小食拼盤
6 views
0 likes
0 comments
呢個拼盤一上到黎我就已經相機ready～個拼盤勁igable!🤩 然後入面有幾款唔同嘅小食～
最印象深刻嘅係帶子牛油果他他😍 帶子真係超級厚肉超級大粒！只係細一個手掌少少！（當然我隻手唔太大🤣） 而且面頭係燒過嘅，帶子都好新鮮，所以食落真係有鮮甜味～然後第一次食牛油果他他，牛油果都幾多，都做到有啲似牛肉他他嘅他他味，酸酸地都醒胃嘅～
另外仲有個芒果蟹肉撻，撻皮係似甜嘅曲奇皮，有芒果喺入面所以就酸酸甜甜咁，上面仲要有幾粒三文魚子喺度～
芝麻雞翼都炸得嘅香脆，同埋佢個芝麻味都夠，醃得夠味又冇過咸～
唐揚魷魚真心幾好食～ 外皮炸得夠脆，同埋入面都夠爽口
佢仲有個什菜杯配酸忌廉,啲菜、紅蘿蔔同青瓜都好新鮮～佢嗰款紅蘿蔔係似平時🐰食嗰啲，不過蘸埋酸忌廉就開胃好多～
🐮安格斯至尊薄餅 $158
安格斯至尊薄餅
13 views
0 likes
0 comments
Pizza嘅餅皮食得出係人手搓嘅～又夠薄，邊邊夠脆同埋入面都幾煙韌下～然後芝士都多，其實都有拉絲（不過我影得麻麻就唔po了）～雖然本身以為安格斯係會一舊舊牛肉咁鋪喺pizza面，但呢個pizza就將啲安格斯牛肉整成粒粒放入餡料度😆 呢個安格斯值得讚嘅係 即使變左肉粒肉碎，都無礙佢嘅牛肉味～仍然有好重好香嘅牛肉味～🥰成個pizza食落口都夠惹味唔會漏～
見佢都有其他野出名，例如egg benedict 咁～睇嚟下次都可以try try 佢😆 同埋裝修係真係幾好，滿滿嘅乾花，完全係田園風格嘅cafe~ 都啱比人打卡嘅😉
Post
