Video
Read full review
2023-10-31
47 views
返完一日工，再同朋友打完一個鐘頭壁球，肚餓到同朋友講笑話食得落一隻牛，朋友話最近去過一間燒肉店性價比好高，話大食啲都搞得掂！平時去葵涌廣場掃街掃得多，好少留意到葵芳港鐵站隔離有間細細地嘅商場，叫好爵中心，一上電梯就見到呢間燒肉店。一入門口就見到有大大隻日本動畫公仔，牆身有好多日本風掛畫、poster，亦有大大凱壁畫，全店木系設計，好日本風。座形多樣，一人、兩人、四人，多人去食都得，卡位坐得幾舒服！有幾款二人餐，都好多嘢食，揀咗二人前C餐，多d海鮮食，性價比好高，只係$398 ！✔️二人前C餐$398•龍蝦尾1本(蒜香/芝士）•一番炸物盛宴（雞軟骨餃子、紫心香芋丸、吉列 炸蝦）•牛油金針菇/田園野菌(二選一)•豚五花腩100g、牛五花100g、雞腿肉100g•海鮮拼盤(扇貝二本、廣島蠔二本、鯖魚一本、珍 寶蟹柳二本）•是日精選前菜2份、麵豉湯2份、生卵紫菜珍珠飯•甜品(泡芙)2份、和風雪糕2份、汽水2罐◾️◾️上菜速度超快，唔使一陣就擺滿全枱食物，炸物小食做得唔錯，外層脆卜卜，自己好鍾意紫心香芋丸，中間芋泥熱辣辣質感棉密甜甜哋！金菇配上牛油，一陣香味已經唔需要再加其他調味料！肉類薄切偏
平時去葵涌廣場掃街掃得多，好少留意到葵芳港鐵站隔離有間細細地嘅商場，叫好爵中心，一上電梯就見到呢間燒肉店。一入門口就見到有大大隻日本動畫公仔，牆身有好多日本風掛畫、poster，亦有大大凱壁畫，全店木系設計，好日本風。座形多樣，一人、兩人、四人，多人去食都得，卡位坐得幾舒服！有幾款二人餐，都好多嘢食，揀咗二人前C餐，多d海鮮食，性價比好高，只係$398 ！
✔️二人前C餐$398
•龍蝦尾1本(蒜香/芝士）
•一番炸物盛宴（雞軟骨餃子、紫心香芋丸、吉列 炸蝦）
•牛油金針菇/田園野菌(二選一)
•豚五花腩100g、牛五花100g、雞腿肉100g
•海鮮拼盤(扇貝二本、廣島蠔二本、鯖魚一本、珍 寶蟹柳二本）
•是日精選前菜2份、麵豉湯2份、生卵紫菜珍珠飯
•甜品(泡芙)2份、和風雪糕2份、汽水2罐
◾️◾️上菜速度超快，唔使一陣就擺滿全枱食物，炸物小食做得唔錯，外層脆卜卜，自己好鍾意紫心香芋丸，中間芋泥熱辣辣質感棉密甜甜哋！金菇配上牛油，一陣香味已經唔需要再加其他調味料！肉類薄切偏爽口，加埋燒汁配飯食一流！海鮮都新鮮合理，當晚龍蝦尾售罄，轉左四隻扇貝俾我哋，要讚一讚呢度嘅扇貝好大隻，比平時屋企買開嗰啲仲要大隻！當日前菜係中華沙律，真心鍾意個生卵紫菜珍珠飯，珍珠飯上鋪滿紫菜飯素，仲有一隻生雞蛋，打埋落去個飯度，口感又滑咗，而且份量真係好大，唔怪得知朋友話食量好大都搞得點！個泡芙都好俾貨，入面係雪糕，而另外嘅兩個牛乳味、朱古力味雪糕球，味道濃郁得嚟冰凍結實！
✔️泡菜$20追加泡菜，泡菜作為前菜令人增加食慾，估唔到呢度泡菜份量咁多，酸辣度啱啱好！
✔️寒冰椰子特飲$56/荔枝特飲$42
因為太多嘢食，一罐汽水真係唔夠飲，見到附近幾張枱都有叫大大杯特飲，size望落去應該超過500 ml，同朋友都忍唔住一人叫咗一杯，我嗰杯寒冰椰子特飲係乳酸底，仲加咗條香濃椰子味雪條，份量十足！朋友話佢杯荔枝特飲清清甜甜，重點係夠晒大杯，可以慢慢飲！
Post
