Video
Read full review
2020-08-24
1934 views
最近週末都要加班，有時做到心灰意冷，放工後跟老公食個火鍋舒緩一下情緒，火鍋外賣套餐價錢實在超級吸引，一於訂一個溫馨二人火鍋餐啦～多款食物兩人食到飽飽都係 $308，值得推介！一鍋拿手小食黃金炸魚皮簡直係老公不二之選，金黃酥脆的鹹蛋黃，魚皮又薄又脆，好味到不得了。自家用心豬骨湯底選一款期間限定的 紅菜頭姬松茸黑豆湯，清新健康而且滋補養生，男女老友都咁適合，尤其是最近要好好保重身體，這個湯底打邊爐前可以飲一碗湯，完全飲得出真材實料屋企的感覺。海鮮盛盒兩人份量很多材料，生猛海鮮蝦真係扎扎跳，帆立貝、白鱔片、脆鯇腩；再加埋是日推介海鮮沙白蜆，放湯清甜美味，入口全部新鮮肥美，彈牙爽脆，滿滿的海洋鮮味。自家手打魚滑黑松露手打墨魚滑，勁大粒～放湯食原汁原味，肉好厚勁彈牙爽口，鮮甜無比。手工丸餃揀咗兩款我覺得最特別係芫荽餃，皮薄餡靚，芫荽味突出又夠獨特。潮汕豬肉丸同埋豬肉扎，款式外面比較少有，這裏吃鮮甜多汁，尤其是肉丸有爆汁的感覺。唔食唔得精選真係寸嘴，又真係花膠、麻辣撈雞柳，只可惜八寸蟹棒沽清用其他嘢代替。真係花膠 真係厚過擦鞋仔塊面，入口勁有口感，真心滋潤養顏，食過返尋味。精選進口肉牛魔王當然要食
一鍋拿手小食
黃金炸魚皮簡直係老公不二之選，金黃酥脆的鹹蛋黃，魚皮又薄又脆，好味到不得了。
自家用心豬骨湯底
選一款期間限定的 紅菜頭姬松茸黑豆湯，清新健康而且滋補養生，男女老友都咁適合，尤其是最近要好好保重身體，這個湯底打邊爐前可以飲一碗湯，完全飲得出真材實料屋企的感覺。
海鮮盛盒
兩人份量很多材料，生猛海鮮蝦真係扎扎跳，帆立貝、白鱔片、脆鯇腩；再加埋是日推介海鮮沙白蜆，放湯清甜美味，入口全部新鮮肥美，彈牙爽脆，滿滿的海洋鮮味。
自家手打魚滑
黑松露手打墨魚滑，勁大粒～放湯食原汁原味，肉好厚勁彈牙爽口，鮮甜無比。
手工丸餃
揀咗兩款我覺得最特別係芫荽餃，皮薄餡靚
，芫荽味突出又夠獨特。潮汕豬肉丸同埋豬肉扎，款式外面比較少有，這裏吃鮮甜多汁，尤其是肉丸有爆汁的感覺。
唔食唔得精選
真係寸嘴，又真係花膠、麻辣撈雞柳，只可惜八寸蟹棒沽清用其他嘢代替。真係花膠 真係厚過擦鞋仔塊面，入口勁有口感，真心滋潤養顏，食過返尋味。
精選進口肉
牛魔王當然要食美國安格斯牛板腱啦！雪花分布均勻，肉色紅潤，放落湯底滾幾秒食得，入口即溶好味道。
自家製涼茶
泰式碟豆花茶同埋冰糖燉檸檬，熱辣辣的火鍋再配上冰涼透心的涼茶，熱氣全消。而且套餐仲會送一樽自家製冰糖燉檸檬俾我哋返屋企慢慢享用！
外賣細心的有齊佐料、外賣餐具。仲送咗一支PH 2.5強酸性水，餐前餐後消毒真係食得安心。性價比超強的一餐。
Post
