二撇雞

Open Now

Now Closed

🐔🥢🍜二訪，世一雞湯麵▫️營業時間只有星期一至六午市☑️吊你癮小鍋 米線- $66超好食！雖然呢間嘢出名係雞湯，但今次都試下呢個小鍋。冇辣度揀嘅，但調味好正，酸度辣度都啱啱好，比起出邊好多米線店好食好多，100+分😋😋個湯少許濃稠，令到米線超掛湯，超入味。入面嘅配料十分多，有大量肉碎、韭菜、酸菜及雞肉，另外仲有兩條好索汁嘅蟹柳、豆卜、冬菇，同埋一大粒雲吞，一件香炸腐皮魚角。☑️生滾花膠雲吞雞米線 $-88 呢個係最貴嘅，但好足料，比左大量蟲草花，花膠嘅份量都唔少，仲有杞子，好滋補養顏。雲吞有三粒，係好大粒嘅，個皮好薄，入面除左肉仲有蝦，但雲吞皮會有少少鹼水味。雞肉份量都好多，而且好滑。而湯底比小鍋清好多，健康好多，但就會飲到雞味，不自覺想飲晒。☑️香炸腐皮魚角 - $24一碟都有好多件，薄薄地，切成三角形拎去炸，外皮好脆，但內裡仲彈牙，腐皮魚味都食到，吾錯。☑️紅油抄手 -$24有三粒好大隻嘅雲吞，同雲吞雞嗰個係一樣嘅，至於個汁就甜甜地重豉油味，吾會好辣，另外仲有蔥同埋蒜蓉，尚算惹味。