Video
Read full review
2020-12-30
21 views
經過開尖沙咀，見到呢一間餐廳幾有格調，就帶男朋友上嚟食個下午茶先。一出lift，靚到嘩左一聲，有好多五顏六色既水滴型嘅吊飾。另外要讚一讚餐廳嘅防疫意識，每張枱都配備左一大支酒精搓手液，方便食客！依家講吓今日食嘅菜式啦薄切慢煮八爪魚有少少酸酸地，幾fresh，作為前菜一流！海葡萄出名好有益，餐廳仲毫不吝嗇俾咗好多。棒棒鵝肝開頭以為會好油膩，但食完一大啖配上一小啖既sake，居然咁夾！口中嘅油膩感完全消失！鵝肝口感好滑，我自己鍾意每一啖都再加啲果仁碎，同埋好欣賞佢嘅擺盤，用嚟打卡真係一流！去到我今日最鍾意嘅係西班牙黑毛豬火腿及柚子蜜茄子卷！兩野完全唔關連嘅嘢放埋一齊，配上柚子醋汁，真係值得推介！面頭的黑毛豬火腿既鹹香配上淡口既茄子，完全中和哂，茄子入邊仲放咗啲空心菜，增加左成碟菜式嘅口感！ 仲有西班牙薯仔蛋餅配日式明太子又係一款令我十分驚艷嘅菜式，蛋好厚實，蛋味濃，切開入邊係流心之餘仲有一粒粒薯仔。兩個人share啱啱好嘅份量！餐廳嘅甜品拼盤都幾多樣化，菓茶水信玄餅其實好似啫喱咁樣，唔太甜之餘仲好清新，一解膩感，至於西班牙炸油條炸到十分脆口，但又不失煙韌，淋上濃郁嘅朱古力醬，真係好正！肉桂
一出lift，靚到嘩左一聲，有好多五顏六色既水滴型嘅吊飾。另外要讚一讚餐廳嘅防疫意識，每張枱都配備左一大支酒精搓手液，方便食客！
依家講吓今日食嘅菜式啦
薄切慢煮八爪魚有少少酸酸地，幾fresh，作為前菜一流！海葡萄出名好有益，餐廳仲毫不吝嗇俾咗好多。棒棒鵝肝開頭以為會好油膩，但食完一大啖配上一小啖既sake，居然咁夾！口中嘅油膩感完全消失！鵝肝口感好滑，我自己鍾意每一啖都再加啲果仁碎，同埋好欣賞佢嘅擺盤，用嚟打卡真係一流！
去到我今日最鍾意嘅係西班牙黑毛豬火腿及柚子蜜茄子卷！兩野完全唔關連嘅嘢放埋一齊，配上柚子醋汁，真係值得推介！面頭的黑毛豬火腿既鹹香配上淡口既茄子，完全中和哂，茄子入邊仲放咗啲空心菜，增加左成碟菜式嘅口感！
仲有西班牙薯仔蛋餅配日式明太子又係一款令我十分驚艷嘅菜式，蛋好厚實，蛋味濃，切開入邊係流心之餘仲有一粒粒薯仔。兩個人share啱啱好嘅份量！
餐廳嘅甜品拼盤都幾多樣化，菓茶水信玄餅其實好似啫喱咁樣，唔太甜之餘仲好清新，一解膩感，至於西班牙炸油條炸到十分脆口，但又不失煙韌，淋上濃郁嘅朱古力醬，真係好正！肉桂多士，有少少似疏乎厘嘅口感，好鬆軟，軟林林的，肉桂味唔算重，但都幾重奶味。
甜品拼盤
3 views
0 likes
0 comments
再叫咗兩杯sangria ，幾易入口，white sangria 水果味會燶啲。總括而言，想chill一個afternoon，tapa room 係不二之選！
Post
