ROJO

Open Now

Now Closed

同朋友食西班牙菜，呢間餐廳都幾旺場，我哋係平日去，但係餐廳都有八九成滿，可能因為餐廳主推融入亞洲元素嘅fusion西班牙菜，比較適合香港人口味。我哋點咗一個優惠二人餐（$535），食物款式都幾多，有五款Tapas、一款主菜、一個甜品，啱晒我心意。黑毛豬火腿薯仔沙律首先呢個開胃沙律，Jamon 油脂豐沃甘香，薯仔沙律配上蛋黄醬味道好好。西班牙薯仔軟臘肉腸蛋餅呢個蛋餅裏面中心係有少少流心效果，不得了，蛋香配上西班牙軟臘肉，增添左一啲肉香甘香。炸西班牙蟹肉南瓜可樂餅外面炸得酥脆，裏面軟糯嘅南瓜蓉香甜，配上少少蟹肉，可麗餅上面有少少茄汁調味，整體味道好好。黑松露芝士風乾火腿比堅尼呢個多士三文治超級香，外面有少少脆脆裏面軟熟，黑松露嘅香氣好濃郁，加上綿綿芝士同埋風乾火腿嘅甘香，味道好豐富。香檳忌廉汁煮青口 +$18香檳忌廉汁好滑好香，配上鮮味嘅藍青口好夾，青口嫩滑creamy，肉仔脹卜卜。西班牙墨魚汁飯唔好睇呢個飯黑蚊蚊，佢好好味，墨魚汁香濃，調味有少少微辣嘅惹味感。材料豐富，有好多嫩嫩八爪魚鋪喺面頭，飯裏面亦都伴入豬腩肉，食之前唧啲檸檬汁更加帶出成個墨魚飯嘅鮮味。西班牙肉桂油條最後食返個經典西