Video
Read full review
2017-11-19
1026 views
星期日出開銅鑼灣諗緊食乜，搵食之際下發現左一間起銅鑼灣與天后交界既餐廳，仲係用花做主題，見咁特別就過黎試下，而且唔係中心地帶唔使同人迫。由地鐵站行過黎要差唔多十分鐘，地方有d 隱閉不過都好易搵。一入門口已經見到好多乾花既佈置, 不過主要集中起近門口位置。 反而入邊既佈置就比較少, 不過感覺就幾簡約舒服。6點幾黎到, 客人未算多, 所以感覺份外寧靜。如果枱面可以放番少少花同蠟燭相信更有氣氛同情調,好啱二人世界。是日Set dinner Menu:餐湯只有一款, 係雜菜湯。蕃茄味濃郁, 唔會過酸~食到啖啖材料。跟餐配餐酒一杯, 有紅/白酒選擇, 容易入口。✨半價可以轉special Drink, 加左個加勒比夢幻($36):可能個名太夢幻,所以同想像中有點落差,我幻想係D藍藍白白既顏色, 估唔到杯野係紅色 😆。入邊有乾果同埋花, 如果唔啜埋D 乾果, 味道係酸酸的,沒有特別甜味有點寡, 可能我飲慣甜味野。最後忍唔住問侍應拎左D 糖漿, 加左酸酸甜甜~好飲好多!! 如果係加蜜糖應該更加吸引。😋✨沙律: 份量比較小, 個ham 因為比較咸, 如果個菜可以多番D又或者配D水果會更加好。不過佢個
由地鐵站行過黎要差唔多十分鐘，地方有d 隱閉不過都好易搵。
一入門口已經見到好多乾花既佈置, 不過主要集中起近門口位置。
反而入邊既佈置就比較少, 不過感覺就幾簡約舒服。6點幾黎到, 客人未算多, 所以感覺份外寧靜。如果枱面可以放番少少花同蠟燭相信更有氣氛同情調,好啱二人世界。
是日Set dinner Menu:
餐湯只有一款, 係雜菜湯。蕃茄味濃郁, 唔會過酸~食到啖啖材料。
跟餐配餐酒一杯, 有紅/白酒選擇, 容易入口。
✨半價可以轉special Drink, 加左個加勒比夢幻($36):
可能個名太夢幻,所以同想像中有點落差,我幻想係D藍藍白白既顏色, 估唔到杯野係紅色 😆。入邊有乾果同埋花, 如果唔啜埋D 乾果, 味道係酸酸的,沒有特別甜味有點寡, 可能我飲慣甜味野。最後忍唔住問侍應拎左D 糖漿, 加左酸酸甜甜~好飲好多!! 如果係加蜜糖應該更加吸引。😋
✨沙律: 份量比較小, 個ham 因為比較咸, 如果個菜可以多番D又或者配D水果會更加好。不過佢個黃黃地色既自家制醋汁味道幾特別, 唔錯!
我期待既主菜出場喇~✨大蜆扁意粉蟹肉醬忌廉汁: 未食睇樣已經覺得好好食😂~~佢個醬汁我真係超鍾意!! 好Creamy 唔會漏, 除左蟹肉同埋蜆佢仲加左D紅椒,黃椒粒, 感覺多了一份清新。意粉煮得啱啱好夠煙韌, 蟹肉鮮甜, 係蜆肉略嫌未夠鮮甜同有小小沙。不過個汁真係超正~比我一滴不流掃清光~~~
大蜆扁意粉蟹肉醬忌廉汁
$158
5 views
0 likes
0 comments
慢煮加拿大豬鞍架配紅莓汁
$198
10 views
0 likes
0 comments
✨玫瑰草莓芭菲($62) : 呢個未黎果時已經鎖定要試, 因為真係好靚。材料好豐富, 有雲呢嗱雪糕, 玫瑰jelly, 海綿蛋糕, cream, 香蕉同士多啤梨。味道都幾清, D cream 夠滑, 不過D jelly 就比較淡, 唔係好食到玫瑰味。 不過賣相黎講一流, 玫瑰味重番D感覺會更加突出。
玫瑰草莓芭菲
$62
10 views
0 likes
0 comments
星期日既銅鑼灣區好難找到一個咁舒服既地方靜靜地食一餐飯, 最啱三五知己撐枱腳。 佢既主菜真係幾好食👍, 小店值得支持下~
Post
