周所

Open Now

Now Closed

私人會所位於銅鑼灣中央圖書館旁邊，位置較為隱蔽，私隱度相對提高。按門鐘開門之後，已經感受到甚有氣派的裝修。主要分為兩個區域，一邊嘅位置好大，客廳，飯廳甚至品茶嘅地方都有，娛樂方面，唱k打麻雀唔少得，仲有古箏可以露兩手。會所對象都好多元化，私人派對，生日派對，公司聚會，求婚等等其實都可以配合。基本有提供火鍋和中菜，當然如果有其他食物要求，都可以滿足到。今晚一行人吃火鍋，不得不提電動轉盤，食物及醬料放在轉盤上就會轉動，然後有專人控制，全晚都食得好舒服。多款海鮮配上精美擺碟，龍蝦更有煙霧效果，夢幻般感覺。食材同樣有質素，爽彈的南澳龍蝦刺身、肥美的蟶子皇、飽滿的北寄貝、新鮮瓜子斑，仲有睇到都令人流晒口水的安格斯牛頸脊，配上一人一鍋的椰子雞湯底，你估唔到私人會所有呢個質素的出品。